Mon. Dec 6th, 2021

ခေါင်းဆောင်မှု အရည်အချင်းနှင့်အတ္တဆန်‌သော အလေ့အထများ

ကျွန်ုပ်တို့လူသားတွေရဲ့ စိတ်ပိုင်းဆိုင်ရာအရ စိတ်ဝင်စားစရာအကောင်းဆုံး တစ်ခုကတော့ အခြားသူတွေရဲ့ အမှားတွေကို မြင်နိုင်ပြီး မိမိကိုယ်ကိုကျ မမြင်နိုင်ခြင်းဖြစ်ပါတယ်။

ဒါကြောင့် သူငယ်ချင်းတစ်ယောက်က ကျွန်တော့်ရဲ့လုပ်ဆောင်မှုအချို့ကို ဂုဏ်ယူစရာအဖြစ်မြင်လာတဲ့အခါ ကျေးဇူးတင်မိပါတယ်။

အစည်းအဝေးကို နောက်ကျပြီး ရောက်သွားတဲ့အခါ ဘာကြောင့်ဆ်ိုတဲ့ ဆင်ခြေထက် လုပ်သင့်တာက တောင်းပန်ပြီး အရေးကြီးဆုံးက နောက်တစ်ခါကျ အချိန်မီဖို့ပါပဲ။

ငါဘာမှားခဲ့လဲ၊ နောက်တစ်ခါ ထပ်မလုပ်မိအောင် ဘယ်လိုလုပ်ရမလဲဆိုတာကို ကောင်းကောင်းနားလည်နိုင်ဖို့ ငါ့ကိုယ်ငါ ပြန်စဉ်းစားဖို့ အချိန်ယူရပါတယ်။ တစ်ခါတစ်ရံ ကျွန်ုပ်တို့၏လုပ်ရပ်များကို အခြားသူများက အထင်အမြင်လွဲမှားစေနိုင်သည်ကို မတားနိုင်ပါဘူး။ ကျွန်ုပ်တို့လုပ်သင့်သည်များကို လူတိုင်းစိတ်ကျေနပ်အောင် သို့မဟုတ် လူတိုင်း၏မျှော်လင့်ချက်ကို မပြည့်မီနိုင်သည်ကို သိရပါမယ်။ သို့သော် ကျွန်ုပ်တို့ပတ်ဝန်းကျင်ရှိလူများအတွက် ကျွန်ုပ်တို့က အကောင်းဆုံးစံနမူနာဖြစ်စေရန် တာဝန်ကိုလည်း နားလည်ရပါမယ်။

ဆရာတော် T.D. Jakes က နှိမ့်ချမှုဖြင့် အစပြုကပါမည်ဟု ဆုံးမဖူးပါတယ်။။ သူပြောတာမှန်ပါတယ်။ ပုဂ္ဂိုလ်ရေးအရ တိုက်ခိုက်မှုကိုမခံစားရဘဲ မတူညီသောအမြင်များကို ချိတ်ဆက်ဆွေးနွေးနိုင်မှုဟာ ကြီးမားသောတိုးတက်မှုကို ရရှိစေပါတယ်။ ခေါင်းဆောင်တွေ အနေနဲ့ ဒါကို မလုပ်နိုင်ဘူး ဆိုရင် သာလွန် ရှုပ်ထွေးမှု ကိုဖြစ်‌စေပါမယ်။ အဲဒါမကောင်းပါဘူး။ မတော်တဆ ဖြစ်နိုင်တယ် ဆိုတာ သိ‌ပေမယ့်ရှုပ်ထွေးမှုကို ထိန်းချုပ်ရန် သတိထားရမည့် အချက်များမှာ အောက်ပါအတိုင်း ဖြစ်ပါတယ်။

(၁) သင်က သူများထက်ပိုတော်သည်ဟု မတွေးပါနဲ့

သင်ဟာ ဘယ်သူတွေထက် ပိုကောင်းတယ်ဆိုတာ ဘယ်တော့မှ မခံယူမိပါစေနဲ့ ။ လူတိုင်းဆီက သင်ယူနိုင်ပါတယ်။ ကျွန်ုပ်တို့သည် လူသားဖြစ်သည်၊ လူသားဖြစ်ခြင်းဟူသည့်အချက်ကို ကျွန်ုပ်တို့အားလုံးတွင် မျှဝေခံစားကြရပါမယ်။စမ်းသပ်မှုများနှင့် စိန်ခေါ်မှုများလည်း ရှိပါတယ်။ ကျွန်ုပ်တို့အားလုံးသည် တစ်စုံတစ်ခုတွင် ကောင်းမွန်ကြပြီး အခြားတစ်ခုတွင် အားနည်းတတ်ကြပါတယ်။

(၂) ဝေဖန်မှုများကိုလက်ခံပါ

ကြီးပွားတိုးတက်မှုအတွက် ဝေဖန်မှု မလိုအပ်ဘူးလို့မယူဆပါနဲ့။ တိုးတက်မှုအတွက် အမြဲ ဟာကွက်ရှိပါတယ်။ ဝေဖန်မှုဆိုတာ အောင်နိုင်သူရဲ့ မနက်စာပါ။ လုပ်သင့်သည် သို့မဟုတ် မလုပ်သင့်ဟု လူအများက သင့်အား ပြောပြလေ့ရှိသည်များကို အရေးကြီးသောအရာနှင့် သင့်ကိုယ်သင် ပိုကောင်းလာစေရန် အမြဲလုပ်ဆောင်သင့်သည်များကို ဦးစားပေးရွေးချယ်ပါ။

(၃) ချီးမွမ်းခံရဖို့အရေးမကြီးပါ

သင့်ကို ချီးမွမ်းဖို့ ဘယ်သူမှ တွန်းအားမပေးသင့်ပါဘူး။ သူတစ်ပါးကို အမြဲတမ်း လေးလေးစားစားဆက်ဆံပါ။ ကြည်ညိုလေးစားခြင်းဟာ အလိုလိုဖြစ်လာရပါမယ်။

(၄) သင့်ကိုယ်သင်သုံးသပ်ပါ

လူတွေက သင့်ကို အထင်လွဲနေတယ်လို့ မယူဆပါနဲ့။ အတ္တနည်းပြီး နှိမ့်ချတတ်သော ချဉ်းကပ်မှုကို ကျင့်သုံးပါ။

(၅) အချိန်ယူနားထောင်ပါ။

အကယ်၍ သင်သည် လူများနှင့် တက်ကြွစွာ မဆက်ဆံပါက အချည်းနှီးဖြစ်ပြီး အတ္တကြီးသူအဖြစ် အမြင်ခံရလာမည်ဖြစ်ပါတယ် လူတွေနဲ့ မျက်လုံးချင်းဆုံပြီး စကားပြောဖို့ အမြဲတမ်း အချိန်ယူပါ။ အထူးသဖြင့် သင်ဟာ လူစုလူဝေးထဲမှာ ရှိနေပါ။ အတတ်နိုင်ဆုံး တတ်နိုင်သမျှ ဖြေရှင်းဖို့ အမြဲကြိုးစားပါ။ လူများက သင်နဲ့စကားပြောဖို့ အကောင်းဆုံးကြိုးစားပြီး သင်မျက်လုံးတွေကို ကြည့်နေတာကို လေးစားပေးပါ ။

(၆) စွမ်းဆောင်ပြပါ

သင်၏အစည်းအဝေးများမှာ အချိန်မီ စွမ်းဆောင်ပြသပါ။ သူတို့တွင်လည်း အချိန်ဇယားတစ်ခု ရှိနိုငိပါတယ်။ အခြားသူများ၏အချိန်ကို မလေးစားပါက၊ သင်ဟာ မလေးစားတတ်သူဟု ယူဆခံရပါလိမ့်မယ်။

သင့်ကိုယ်သင် ဘယ်သူလဲဆိုတာနဲ့ သင့်လုပ်ရပ်တွေက တခြားသူတွေကို ဘယ်လိုအကျိုးသက်ရောက်မှုရှိလဲဆိုတာကို အချိန်ယူ သုံးသပ်ပါ။ ကိုယ်ရေးကိုယ်တာစိတ်ဖြင့် လုပ်ရပ်များ မှားယွင်းနေကြောင်း နားလည်သည်နှင့်အလွန်လျင်မြန်စွာ ပြောင်းလဲပါ။

ကောင်းမွန်ခြင်း သို့မဟုတ် ရှုပ်ထွေးခြင်း ဝိသေသလက္ခဏာများကို ပြသခြင်းသည် များသောအားဖြင့် သိမ်ငယ်မှုခံစားချက်များကို ဖုံးကွယ်ရန် နည်းလမ်းတစ်ခုဖြစ်နိုင်ပါတယ်။ အတိုင်းအတာတစ်ခုအထိ၊ ကျွန်တော်တို့အားလုံး ကိုယ့်ကိုယ်ကို ဂုဏ်ယူကြပြီး အတ္တရှိကြပါတယ်။ သို့သော် ခေါင်းဆောင်များအနေဖြင့် လုပ်ဆောင်ချက်များ ၊ လူများနှင့် စကားပြောဆိုပုံတို့ကို သတိထားရမည်ဖြစ်ပါတယ်။

Source sucess.com

Written One Daily Media

Believe In Yourself Pageနှင့်Advice Channel Pageနှင့် One Daily Media Pageတို့အတူတူပါပဲခင်ဗျာ 

‌ဒါကြောင့်
One Daily Media Copyright © 2021ကျွန်တော်တို့ရဲ့ ဝက်ဘ်ဆိုဒ်ပေါ်နှင့် pageတွင်တင်ထားသော မည်သည့်သတင်းကိုမှ တခြား pageနှင့်website ပေါ်တွင် ကူးယူခွင့်မပြုပါဘူး။ ကျေးဇူးပြု၍ ကူးယူဖော်ပြခြင်း မပြုလုပ်ရန် မေတ္တာရပ်ခံအပ်ပါတယ်။ 

 

 

 

 

Leave a Reply

Your email address will not be published. Required fields are marked *