Tue. Oct 26th, 2021

အသက်ရာ‌ကျော်ထိ ကျန်းမာစွာ နေထိုင်နည်း (၈) နည်း

လောကကြီးမှာ ကျွန်ုပ်တို့ကို အသက်ပိုရှည်စေမည့် မည်သည့်အာမခံချက်မျိုးမှမရှိပါဘူး။ အချို့သောသူများအသက်ရာကျော်ရှည်နေကြခြင်းမှာလည်း ထူးခြားသောအစီအမံများကြောင့်မဟုတ်ပါပဲ ကျန်းမာရေးလိုက်စားမှု ၊ တက်ကြွမှုလန်းဆန်းမှု ၊ ပျော်ရွှင်သောလူနေမှုဘ၀ နှင့်အတူ မျိုးရိုးဗီဇ၏အကူအညီအနည်းငယ်တို့ ပေါင်းစပ်ထားခြင်းကြောင့်ဖြစ်ပါတယ်။

ထို့ကြောင့် သက်တော်ရှည်အဖိုးအဖွားတို့ရဲ့ ဘဝနေထိုင်မှုအကျင့်စရိုက်အချို့ကို ရှာဖွေလေ့လာပြီး အားလုံးလည်း ဗဟုသုတရစေရန် ပြန်လည် မျှဝေပေးချင်ပါတယ်။

(၁) ကျန်းမာသော မျိုးရိုးဗီဇ ၊ ပျော်ရွှင်သောဘဝနေထိုင်မှု နှင့် သင်္ချာလေ့လာခြင်း

သိပ္ပံပညာရှင်များအဆိုအရ သက်‌တော်ရှည်အဖိုးအဖွားများစွာအကြား တူညီသောအရာတစ်ခုက‌ တော့ သူတို့၏ဘဝမှာ ခိုင်မြဲသော သူငယ်ချင်းများ၊ မိသားစုနှောင်ကြိုးများ၊ လေ့ကျင့်ခန်းလုပ်ခြင်းနှင့်စိတ်ဖိစီးမှုကိုကောင်းစွာရင်ဆိုင်ခြင်းတို့ပဲဖြစ်ပါတယ် ။

အသက်အကြီးဆုံး သက်တော်ရာကျော်ရှည်သူမှာ အသက် ၁၁၈ နှစ်အရွယ် Kane Tanaka ဖြစ်ပြီး သူမ၏အသက်ရှည်မှုကို သူမ၏ယုံကြည်ချက်၊ မိသားစု၊ အိပ်စက်ခြင်း၊ မျှော်လင့်ခြင်း၊ ကောင်းမွန်သောအစားအစာများစားခြင်းနှင့် သင်္ချာလေ့ကျင့်ခြင်းတို့နဲ့ ပေါင်းစပ်ထားပါတယ် ။ အဆိုပါ အသက်ရှည်သူများ၏မောင်နှမများနှင့်ကလေးများဟာလည်း မျိုးရိုးအရ ပိုမိုကျန်းမာပြီးအသက်ရှည်ရန်အခွင့်အလမ်းပိုရှိကြပါတယ်။

(၂) ငယ်ရွယ်သောမိခင်

အသက်ငယ်သောမိခင်ရှိခြင်းဟာ အခြားသူများထက်သင့်ကို အသက်ရှည်ရန်အခွင့်အလမ်းကိုတိုးစေနိုင်ပါတယ် ။ လေ့လာမှုအရအသက် ၂၅ နှစ် သို့မဟုတ် ငယ်ရွယ်သူအမျိုးသမီးများသည်ကလေးများ၏အသက်ရှည်မှုကိုတိုးစေပါတယ်။ ထိုအကြောင်းအရင်းကိုအတိအကျမသိရသေးသော်လည်း သုတေသနပြုချက်အရ အမေ၏မျိုးဥဟာ အရေးပါသော အခန်းကဏ္ဍတစ်ခုမှ ပါဝင်နေပါတယ်။

(၃) သူငယ်ချင်းကောင်းများရှိခြင်း

ဤလေ့လာမှုအရ သီးခြားခွဲနေတတ်ခြင်း နှင့်အထီးကျန်ခြင်းဟာ အ၀လွန်ခြင်းကဲ့သို့ပင် ကျွန်ုပ်တို့၏အသက်အန္တရာယ်ကိုခြိမ်းခြောက်နိုင်သည်ဟုဆိုထားပါတယ်။ ယနေ့ခေတ်လူငယ်များကြား ဆက်သွယ်‌ရေး ကွန်ယက်များ ပိုမိုလွယ်ကူလာသော်လည်း ဤဒဏ်ကိုအခံရဆုံးမှာလည်း လူငယ်များပင်ဖြစ်ပါတယ်။

လေ့လာမှုပူးတွဲပါဝင်သူ ဒေါက်တာ Timothy Smith ၏ အဆိုအရအထီးကျန်ခြင်းဟာ ဆေးလိပ်သောက်ခြင်းနှင့်အရက်သောက်ခြင်းကဲ့သို့ပင် ကျွန်ုပ်တို့အတွက်အန္တရာယ်ရှိပါတယ်။

(၄) လက်ဖက်ရည်သောက်ခြင်း

National Geographic ၏ Blue Zone ဟုအမည်ရသော လေ့လာမှု/ပရောဂျက်တစ်ခုက ကမ္ဘာပေါ်ရှိရာနှင့်ချီသောလူများစုရဲ့ နေထိုင်မှုပုံစံများကိုစူးစမ်းလေ့လာခဲ့ရာ အထင်ရှားဆုံးအရာကတော့ လက်ဖက်ရည်သောက်ခြင်းပါပဲ။ အထူးသဖြင့် လက်ဖက်စိမ်းကိုအကောင်းဆုံးကျန်းမာရေးနှင့် ညီညွတ်သောအမျိုးအစားဟု ယူဆကြပြီး ၎င်းသည်ကျွန်ုပ်တို့၏ကျန်းမာရေးအတွက် ကောင်းကျိုးသက်ရောက်မှုများရှိနေပါတယ်။

(၅) ရုပ်ပိုင်းဆိုင်ရာ ကျန်းမာကြံ့ခိုင်ခြင်း

ဆွီဒင်နိုင်ငံတွင်ပြုလုပ်သော လေ့လာမှုတစ်ခုအရရုပ်ပိုင်းဆိုင်ရာကြံ့ခိုင်မှု မရှိသောသူများက ကျန်းမာရေးနှင့်စိတ်ကျန်းမာရေးပြဿနာများ ဖြစ်နိုင်ချေပိုများပါတယ်။ ကြွက်သားကြံ့ခိုင်မှုပျမ်းမျှခြင်း၏ အထက်ရှိသူများဟာ အသက်ရှည်ရန်အခွင့်အလမ်း ၂၀% -၃၅% ပိုများပါတယ် ။ ထို့အပြင် သူတို့က စိတ်ပိုင်းဆိုင်ရာရောဂါများခံစားရနိုင်ခြေလည်းနည်းပါတယ်။

(၆) အခွံမာသီးများစားခြင်း

အခွံမာသီးတွေမှာပရိုတင်း ၊ အမျှင်ဓာတ်၊ ဓာတ်တိုးဆန့်ကျင်ပစ္စည်းများ ၊ ဗီတာမင်နဲ့သတ္တုဓာတ်များ ကြွယ်ဝစွာပါဝင်ပါတယ်။ တစ်ပတ်လျှင်အခွံမာသီးအနည်းဆုံး ၃ လုံးစားသောသူများသည်အရွယ်မတိုင်မီသေဆုံးနိုင်ခြေကို ၃၉% လျော့နည်းစေပါတယ်။

(၇) ပျော်ရွှင်သောလူနေမှုဘဝ

လေ့လာမှုတစ်ခုအရ ဘဝကျေနပ်မှု၊ အကောင်းမြင်စိတ်နှင့်အပြုသဘောဆောင်သောခံစားချက်များဟာ ကျန်းမာရေးကိုကောင်းမွန်စေရုံသာမကအသက်ရှည်မှုကိုပါ တိုးတက်စေနိုင်ပါတယ်။ပျော်ရွှင်စရာကောင်းတဲ့လူတွေဟာ စိတ်ညစ်‌ နေရသူတွေထက် ၁၈% ပိုအသက်ရှည်နိုင်တယ်လို့သုတေသနတစ်ခုကထောက်ပြထားပါတယ်။ Kane Tanaka က ကောင်းမွန်ပျော်ရွှင်သောဘ၀ဟာ အသက်ရှည်မှုကို အကျိုးသက်ရောက်မှုရှိစေသော စံနမူနာတစ်ခုလည်း ဖြစ်ပါတယ်။

(၈) စနစ်တကျမှု၊ စည်းကမ်းလိုက်နာမှု

 

စုစည်းမှု၊ စည်းကမ်းရှိမှု နှင့်ပန်းတိုင်သို့ ဦး တည်ခြင်းတို့ဟာ ကျွန်ုပ်တို့၏ပရော်ဖက်ရှင်နယ်နှင့်ကိုယ်ပိုင်ဘ ၀ ကိုအကျိုးပြုရုံသာမကကျွန်ုပ်တို့၏သက်တမ်းကိုလည်းအကျိုးရှိစေနိုင်ပါတယ် ။ အသက်အရွယ်ကြီးရင့်သူ အမျိုးသား၊အမျိုးသမီးများကို လေ့လာမှုအရ စနစ်တကျနှင့်စည်းကမ်းရှိသူများဟာ ဤသိုမဟုတ်ပဲစည်းမဲ့ကမ်းမဲ့ ပေါ့ပျက်ပျက်နေသောသူများထက် ၁၁% ပိုအသက်ရှည်ပါတယ်။

သင့်ပတ်ဝန်းကျင်က သက်ကြီးရွယ်အို အဖိုးအဖွားများကိုရော အသက်ရှည်ကျန်းမာနည်းများ မေးမြန်းစပ်စုဖူးပါသလား? မမေးဖူးသေးရင် မေးကြည့်လိုက်ပီး သင်သိလာသည်များကို comment ‌တွင်ဝေမျှပေးပါဦး

Source Brightside

Written One Daily Media

Believe In Yourself Pageနှင့်Advice Channel Pageနှင့် One Daily Media Pageတို့အတူတူပါပဲခင်ဗျာ

‌ဒါကြောင့်
One Daily Media Copyright © 2021ကျွန်တော်တို့ရဲ့ ဝက်ဘ်ဆိုဒ်ပေါ်နှင့် pageတွင်တင်ထားသော မည်သည့်သတင်းကိုမှ တခြား pageနှင့်website ပေါ်တွင် ကူးယူခွင့်မပြုပါဘူး။ ကျေးဇူးပြု၍ ကူးယူဖော်ပြခြင်း မပြုလုပ်ရန် မေတ္တာရပ်ခံအပ်ပါတယ်။

 

 

Leave a Reply

Your email address will not be published. Required fields are marked *