One Daily News

မျှဝေမသုံးစွဲ‌သင့်သော တစ်ကိုယ်ရည် အသုံးအဆောင် (၈)မျိုး

မျှဝေမသုံးစွဲ‌သင့်သော တစ်ကိုယ်ရည် အသုံးအဆောင် (၈)မျိုး

ကျွန်ုပ်တို့ဟာ သကြားလုံးတစ်လုံးကိုဖြစ်‌‌စေ ၊ အသုံးအဆောင်တစ်ခုကိုဖြစ်စေ ၊ စိတ်ခံစားချက်နဲ့အကြောက်တရားဖြစ်စေ မည်သည့်အရာမဆို ဝေမျှတတ်ခြင်းဟာ အကျင့်ကောင်းတစ်ခုအဖြစ် ငယ်စဉ်ကပင် သင်ကြားခဲ့ကြရပါတယ်။ ဒါပေမယ့် ကိုယ်ပိုင်အရာတွေကိုဝေမျှတဲ့အခါမှာ တော့ သင့်ရဲ့ကျန်းမာရေးအတွက် ဂရုပြုရမည့်အရာများရှိနေပါတယ်။

သင့်နဲ့အနီးဆုံးနဲ့အချစ်ဆုံးသူကိုတောင်မျှဝေခြင်းကိုရှောင်ကြဉ်သင့်တဲ့အရာ ၈ ခုစာရင်းကိုဖော်ပြပေးချင်ပါတယ်။

(၁) ဦးထုပ်

ဦး ထုပ် (သို့) သင်၏ခေါင်းကိုဖုံးအုပ်သောသို့မဟုတ် ထိမိသောအရာများ (စုတ်တံများ၊ ဘီးများ၊ ခေါင်းအုံးစွပ်များစသည်) ကို ဝေမျှ သုံးစွဲခြင်းဖြင့် သင်၏ ဦးရေပြားပေါ်တွင် ကျန်းမာရေးအတွက် မလိုလားအပ်သော ပိုးမွှားကဲ့သို့သောအရာများဟာ အခြားသူတစ် ဦး၏ခေါင်းအုံးပေါ်တွင်အိပ်ခြင်း (သို့) သူငယ်ချင်း၏ ဦး ထုပ်ကိုဝတ်ဆင်ခြင်းမှ ရောက်ရှိလာနိုင်ပါတယ်။
ဒါကြောင့်သင့်ခေါင်းကိုနေရောင်မှကာကွယ်လိုတဲ့အခါ သင်ဝတ်မယ့် ဦးထုပ်က သင့်အပိုင်သာဖြစ်နေဖို့ဂရုပြုသင့်ပါတယ်။

(၂) ခရင်မ်

မျက်နှာဖုံးများ၊ serum (သို့) မျက်နှာလိမ်းခရင်မ်များဟာ အသားအရည်ထိန်းသိမ်းမှုအတွက်အလွန်အရေးကြီးသောအရာများဖြစ်ပါတယ်။ မသင့်လက်ချောင်းကိုထပ်ခါထပ်ခါထိုးပြီး သုံးနေခြင်း သို့မဟုတ် သင့်သူငယ်ချင်းတစ်ယောက်နဲ့မျှဝေခြင်းက ဘက်တီးရီးယားပြန့်ပွားဖို့အလားအလာများပါတယ်။ အဖုများ၊ နှင်းခူ၊ psoriasis နှင့်အခြားအရေပြားပြသနာများကိုဖြစ်စေနိုင်ပါတယ်။ မင်းရဲ့အလှအပရေးရာအတွက် ဆရာဝန် ရက်ချိန်းများကို ရှောင်ကြဉ်ဖို့ဘယ်သူနဲ့မှမမျှဝေပါနဲ့။
သင့်အသားအရေကိုကာကွယ်ရန် ဘက်တီးရီးယားများကြီးထွားမှုကိုကာကွယ်ပေးသောလေလုံစုပ်ပုလင်းများကို ဝယ်ယူသုံးစွဲသင့်ပါတယ်။

(၃)အတွင်းခံ သို့မဟုတ် ခြေအိတ်

လူတွေရဲ့ခန္ဓာကိုယ်အစိတ်အပိုင်းအချို့ဟာလုံးဝကွဲပြားခြားနားတာကိုအမြဲသတိရသင့်ပါတယ်။ သင်၏လက်တွဲဖော်နှင့်အတူအတွင်းခံဘောင်းဘီကိုဝေမျှခြင်းသည်ဆီးလမ်းကြောင်းပိုးဝင်ခြင်း၊ လိင်အင်္ဂါပိုးမွှားများကူးစက်ခြင်း၊ အဖုများထွက်ခြင်း၊ ယားယံခြင်းစသည်ဖြင့် ဖြစ်စေနိုင်သလိုခြေအိတ်များမျှဝေခြင်းဖြင့်လည်း ခြေဖဝါးမှိုတက်ခြင်း၊ ခြေဖနောင့်နာခြင်း၊ ယားယံခြင်းနှင့်အင်ပျဉ်ဖြစ်စေနိုင်ပါတယ်။
ညအိပ်ခရီးဖြစ်စေ၊ ရေရှည်ဆက်ဆံရေးဖြစ်စေ၊ လုံလောက်သောခြေအိတ်နှင့်အတွင်းခံများရှိမရှိသေချာပါစေ။

(၄) သွားတိုက်တံ

ဆရာဝန်များက သွားတိုက်တံ မျှဝေသုံးစွဲတာကိုတင်းကျပ်စွာတားမြစ်ထားပါတယ်။ American Dental Association ၏အဆိုအရသွားပွတ်တံကိုမျှဝေသုံးစွဲခြင်းသည်ရောဂါကူးစက်မှုကိုမြင့်တက်စေနိုင်ပါတယ်။ (၃ လကြာသင်သုံးခဲ့ဖူးသော) ပုံမှန်သွားတိုက်တံတစ်ခုဟာ E. Coli, Staphylococcus Aureus, ခံတွင်းရေယုန်ဘက်တီးရီးယားများ စသဖြင့်ဘက်တီးရီးယားများစွာကိုထိန်းသိမ်းထားနိုင်ပါတယ်။

(၅) မုတ်ဆိတ်ရိတ်ကိရိယာ

မုတ်ဆိတ်ရိတ်ဓားများဟာ သင်၏တစ်ကိုယ်ရေသန့်ရှင်းရေးအတွက်သာသီးသန့်ထားသင့်သောထုတ်ကုန်များထဲမှတစ်ခုဖြစ်ပါတယ်။ ဒေါက်တာ Feinberg ၏အဆိုအရအသည်းရောင်ခြင်းနှင့်အခြားကူးစက်ရောဂါများ အပြင် ဤနည်းနှင့် HIV ပြန့်နှံ့နိုင်သောကြောင့်သင်၏ သင်တုန်းအားမည်သူ့ကိုမျှမမျှဝေသင့်ပါဘူး။ သင့်ရဲ့သင်တုန်းဓားတွင်ဘက်တီးရီးယားနှင့်မှိုပင်များပေါက်နေပြီးအရေပြားပြဿနာများစွာဖြစ်စေနိုင်ပါတယ်။
သင်၏သင်တုန်းဓားကိုအသစ်လဲလှယ်ရန်နှင့် အခြားသူအား မျှဝေခြင်းမပြုရန် သတိပြုပါ။

(၆) Pumice-stones

လူအများစုသည် သူတို့၏ခြေထောက်များကို exfoliate လုပ်ပြီးအရေပြားဆဲလ်အသေများကိုဖယ်ရှားပါတယ်။ သင်ကတခြားလူတွေဆီကမကူးစက်လိုလောက်ပါဘူး။ ၎င်းတို့အားမျှဝေခြင်းသည် သင်၏ခြေထောက်တွင်ကြွက်နို့များနှင့်မှိုများဖြစ်နိုင်ခြေကိုမြင့်တက်စေပြီး ဤကူးစက်ရောဂါများဟာ ဖယ်ရှားရန်ခက်ခဲပါတယ်။
မင်းသူငယ်ချင်းတစ်ယောက်ရဲ့ရေချိုးခန်းထဲ ၀ င်ချင်ရင် သင့်ရဲ့ကိုယ်ပိုင်အသုံးအ‌ဆောင်ကိုမင်းနဲ့အတူယူလာပါ။

(၇) နားကြပ်များ

ဂီတချစ်မြတ်နိုးသူတိုင်းအတွက်အလွန်အရေးကြီးသောအရာဟာ သူတို့၏နားကြပ်ဖြစ်ပါတယ်။ သို့သော်လူများသည်နားနှင့်ထိတွေ့မိသောမျက်နှာပြင်များမှာ ပိုးမွှားများဖုံးလွှမ်းနေသည်ဟူသောအချက်ကို စဉ်းစားမိတာ ရှားပါတယ် ။ ၎င်းတို့အပေါ်ဘက်တီးရီးယားကြီးထွားမှုဟာ လျစ်လျူရှုမထားသင့် သော အရာတစ်ခုဖြစ်ပါတယ်။ ထို့အပြင်လူတိုင်း၏နားရှိ ပိုးမွှားများဟာ ထူးခြားပြီး သူငယ်ချင်းများနှင့်မျှဝေခြင်းဖြင့် ကောင်းကျိုးမရနိုင်ပါဘူး။
သင့်နားကြပ်ကို တစ်ယောက်ယောက်ကိုဝေမျှချင်ရင် (သို့) ငှားချင်ရင် သန့်ရှင်းမှုရှိမရှိသေချာစစ်ဆေးပြီး မျက်နှာပြင်ကိုပိုးသတ်ဖြန်းဆေးဖြင့်သန့်ရှင်းရန် မပျင်းပါနဲ့။ ကျန်းမာရေးက အရေးကြီးဆုံးဖြစ်ပါတယ်။

(၈) ခြေညှပ်ဖိနပ်

ကမ်းခြေ၊ ရေကူးကန် (သို့) အားကစားခန်းမ locker ခန်း များတွင် ဖိနပ်ရွေးချယ်မှုမရှိပဲ ကြုံသလိုစီးလေ့ရှိကြပါတယ်။ လူများစွာဟာလည်း ၎င်းကိုသာမန်အရာအဖြစ်သာ မြင်ကြပါတယ်။ သို့ရာတွင် flip-flop တစ်စုံ၌ သင့်‌ ခြေထောက်ရှိ အညစ်အကြေးများစွာ တွယ်ကပ်ထားပြီး ဘက်တီးရီးယားထောင်ပေါင်းများစွာပါ ၀ င်နိုင်ပါတယ်။

 

Source Brightside

Written One Daily Media

Leave a Comment