Wed. Oct 27th, 2021

ကျန်းမာရေးနှင့်ညီညွတ်စေရန် အချိန်အခါသင့် စားသောက်နည်း(၁၂) နည်း

ယနေ့ခေတ်မှာ လူအများစုဟာ diet ပြုလုပ်ခြင်းကို စိတ်ဝင်တစားရှိလာကြသော်လည်း နည်းမှန်လမ်းမှန်စားသောက်နိုင်ခြင်းမှာတော့ အားနည်းလျက်ရှိပါတယ်။ ဥပမာအားဖြင့် အစာကြေလွယ်စေရန် ပန်းသီးစားကြသော်လည်း အချိန်အခါမှားနေလျှင် ဝမ်းတွင်းပြသာနာအချို့ပင် ကြုံရနိုင်ပါတယ်။
ထို့ကြောင့် ကျန်းမာသော စားသောက်နေထိုင်မှု တချို့နှင့် စားသမျှအစားအစာများမှ မှန်ကန်သော အကျိုးကျေးဇူးများ ရရှိနိုင်ရန် သတိပြုသင့်သည် အချက်အလက်များကို စုဆောင်းတင်ပြပေးလိုက်ပါတယ်။

(၁) ငှက်ပျော်သီး

 

ငှက်ပျော်သီးစားခြင်းဟာ သင့်တစ်နေ့တာအတွက် အကောင်းဆုံးမနက်စာဟု ဆိုကြလေ့ရှိသော်လည်း အမှန်တကယ်မှာတော့ မနက်စောစော အစာအိမ်အတွင်း အစာမရှိနေချိန်ဟာ ငှက်ပျော်သီးနဲ့မသင့်တော်ပါဘူး။ စားလိုက်သည့်ခဏအတွင်းအချိုဓာတ်ကြောင့် အားရှိသွားသည်ဟု ထင်ရသော်လည်း မကြာမှီမှာပင် ပြန်လာဗိုက်ဆာလာတတ်ပါတယ်။ ထို့ကြောင့် မနက်စာဟာ ငှက်ပျော်သီး သီးသန့်ဖြင့် မလုံလောက်ပဲ အခြားတစ်ခုခုဖြင့်ယှဉ်တွဲ‌ စားသုံးရပါမယ်။

(၂) ကော်ဖီ

အချို့သူများအတွက်အိပ်ယာနိုးနိုးချင်း ကော်ဖီတစ်ခွက် သောက်ခြင်းဟာ တက်ကြွလန်းဆန်းစေပြီး အလွန်ပြီးပြည့်စုံသော မနက်ခင်းဟုဆိုလေ့ရှိကြပါတယ်။ အမှန်တကယ်မှာတော့ အိပ်ယာနိုးကာစ တစ်နာရီအတွင်းမှာ ခန္ဓာကိုယ်တွင် ဇီဝဖြစ်စဉ်များအတွက် ထုတ်လွှတ်လေ့ရှိသော Cortisol ဟော်မုန်းများကို ကော်ဖီသောက်ခြင်းဖြင့် မနှောက်ယှက်သင့်ပါဘူး။ အနည်းငယ်အချိန်ယူပြီးမှ သောက်သုံးသင့်သလို ညနေပိုင်းများသောက်မိရင်လည်း အိပ်မပျော်ခြင်းများ ခံစားရတတ်သည်ကို သတိပြုရပါမယ်။

(၃) ထမင်း

ဆန်မှာ ကာဗွန်ဟိုက်ဒရိတ် များစွာပါဝင်ပြီးအစာချေရန် အချိန်ကြာမြင့်ပါတယ်။ ၎င်းဟာအချိန်ကြာမြင့်စွာ ခွန်အားရှိ‌စေသော်လည်း ကယ်လိုရီ ပါဝင်မှု မြင့်မားတာကြောင့် ညအိပ်ချိန်နှငိ့ နီးကပ်စွာ စားခြင်းဟာ ကိုယ်အလေးချိန်တက်စေနိုင်ပါတယ်။
နေ့လယ်စာစားချိန်ဟာ ထမင်းစားရန်အကောင်းဆုံးအချိန်ဖြစ်ပါတယ်။ ဒီအချိန်‌တွေဟာ သင့်ရဲ့ဇီဝဖြစ်ပျက်မှုများ မြန်တာ‌ ကြောင့် ခန္ဓာကိုယ်ကချေဖျက်ဖို့ပိုလွယ်ပါလိမ့်မယ်။ ထို့အပြင် တစ်နေ့တာအတွက်လိုအပ်သော စွမ်းအင်များကို ကာဗိုဟိုက်ဒရိတ်ကပဲ များစွာ ထောက်ပံ့ကူညီပေးနိုင်ပါတယ်။

(၄) သကြား

ကျန်းမာရေးနဲ့ညီညွတ်စွာ နေထိုင်စားသောက်ရာမှာတော့ ပြုပြင်ထားတဲ့သကြားတွေနဲ့ဝေးဝေးနေတာပိုကောင်းပါတယ် ။
ဒါပေမယ့် ဆန္ဒကိုမတွန်းလှန်နိုင်ရင်တော့ ထမင်း (သို့) တခုခု စားပြီးပြီးချင်း အချိုပွဲအချို့အဖြစ် အနည်းငယ် စားပါး။ ၎င်းဟာ သွေးတွင်းသကြားဓာတ်ပမာဏကိုလည်း သိသိသာသာမမြင့်တက်စေပါဘူး။

(၅) နွားနို့

လူအချို့ဟာ ငယ်စဉ်ကတည်းကနွားနို့တစ်ခွက်ဖြင့် နေ့သစ်ကိုစလေ့ရှိသော်လည်း အဆိုပါအလေ့အကျင့်ဟာ လူကြီးများအတွက် တော့ အဆင်မပြေလှပါဘူး ။ နွားနို့ဟာအစာကြေရန်ခက်ခဲသောကြောင့် နံနက်ခင်းတွင် အခြားအစားအစာများနှင့်ပေါင်းစပ် သောက်သုံးခြင်းက တခါတရံ အစာအိမ်နာခြင်းကိုဖြစ်စေနိုင်ပါတယ်။
ညနေခင်း ကတော့ နွားနို့ပူပူတစ်ခွက်သောက်ရန်အကောင်းဆုံးအချိန်ဖြစ်ပြီး အိပ်ရေး ၀၀ အိပ်ပျော်စေပါတယ်။

(၆) အသားများ

အသားဟာ ပရိုတင်းဓာတ်နှင့်ဗီတာမင် (B)များစွာရရှိသောအရင်းအမြစ်ဖြစ်သော်လည်းအစာချေစနစ်ကို အလွန်အကျွံဝန်ပိစေနိုင်ပါတယ်။ ဒါကြောင့်အိပ်ရာမ၀င်ခင် အကင်စားခြင်းကိုရှောင်တာပိုကောင်းပါတယ်။ အဆီမပါသောအသားကိုရွေးချယ်ခြင်းနှင့် အိပ်ရာမ ၀ င်မီအနည်းဆုံး ၃ နာရီအလိုတွင် စားသုံးခြင်းကကိုယ်အလေးချိန်တက်စေသောကယ်လိုရီပမာဏတက်ခြင်း နည်းပါးသည်ကိုတွေ့ရပါတယ်။
ပရိုတင်းဓာတ်အလုံအလောက်ရဖို့တစ်နေ့တာလုံးအသားကိုစားနိုင်ပါတယ်။ ဒါပေမယ့် ဒါဟယ သင့်ခန္ဓာကိုယ်အတွက် ချေဖျက်ရခက်လွန်းတဲ့အရာ ဖြစ်ကြောင်းကို တော့ သတိထားရပါမယ်။

(၇)အခွံမာသီးများ

အခွံမာသီးများဟာ ကျန်းမာရေးနှင့်ညီညွတ်သော အဆီနှင့်ကယ်လိုရီ အရင်းအမြစ်များဖြစ်သော်လည်း ၎င်းတို့ကိုညအချိန်တွင် သရေစာအဖြစ်စားခြင်းဟာ မသင့်တော်လှပါဘူး။အမှန်တကယ်ကျန်းမာစေသော်လည်း အလွန်အကျွံစားပါက၎င်းတို့သည်အစာခြေဖျက်ရန်အချိန်ကြာမြင့်နိုင်လွန်းပြီး အိပ်ပျော်ရန်ခက်ခဲစေပါတယ်။
နံနက်စာအတွက်အခွံမာသီးကိုစားခြင်းဟာ နှလုံးကျန်းမာရေးကို တိုးတက်စေခြင်း၊ ကိုလက်စထရောကို ပုံမှန်ဖြစ်စေခြင်း ၊ ကိုယ်အလေးချိန်ကျခြင်း၊အသားအရေနှင့်ဆံပင်၏အလှကိုအထောက်အကူပြုစေပါတယ်။

(၈) Cheese

အိပ်ရာမ၀င်ခင် cheese နှင့်ပေါင်မုန့်ကင်စားခြင်းဟာ အစာကြေရန်ခက်ခဲပြီး အိပ်မပျော်ဖြစ်ကာ အိပ်ချိန်ကိုထိခိုက်စေနိုင်တာကြောင့် ဝေစဝေးရှောင်သင့်ပါတယ်။
အခြားတစ်ဖက်တွင် တော့ နံနက်စာအတွက်ချိစ်အနည်းငယ်စားခြင်းဟာ ကြွက်သားကြီးထွားမှုနှင့်အရိုးကျန်းမာရေးအတွက် လိုအပ်သောကယ်လ်စီယမ်ဓာတ်များ ပေးစွမ်းနိုင်ပါတယ် ။

(၉) အချဉ်သစ်သီးများ

ချဥ်‌သောအရသာရှိသည့် အသီးများဟာ အက်စစ်ဓာတ်များသောကြောင့် အစာစားပြီးပြီးချင်း ချက်ချင်းစားခြင်းဖြင့်ပူလောင်ခြင်းကဲ့သို့မနှစ်မြို့ဖွယ်အစာခြေပြဿနာများကိုဖြစ်ပေါ်စေခြင်း၊ အစာအိမ်ကိုလေးလံစေခြင်းနှင့်အာဟာရစုပ်ယူမှုနှေးကွေးခြင်းတို့ဖြစ်စေပါတယ်။ သင့် အသီးဖျော်ရည်ကို အစာစားပြီးနောက်ခဏစောင့်ပီးမှ သောက်သင့်ပါတယ်။

၁၀) ပဲအမျိူးမျိူး

ပဲအမျိုးမျိုးဟာ အမျှင်ဓာတ်မြင့်မားစွာပါ ၀ င်သောကြောင့် ညဘက်စားသုံးခြင်းသာ အချို့လူတို့တွင်အိပ်စက်ခြင်း အရည်အသွေးကျဆင်းစေပါတယ် ။ ပဲအမျိုးမျိုးသည်နေ့လယ်စာ (သို့) မနယ
ညနေစာ စောစောစားရန် အတွက် ပြီးပြည့်စုံသောအစားအစာဖြစ်ပါတယ်။

(၁၁)ပန်းသီး

ပန်းသီးမှာအမျှင်ဓာတ်မြင့်မားပြီးအစာခြေဖျက်မှုနဲ့အူမကြီးလုပ်ငန်းဆောင်တာကိုတိုးတက်စေတဲ့သဘာဝအက်ဆစ်တွေပါဝင်ပါတယ်။ ဒါပေမယ့်ညနေပန်းသီးစားခြင်းဖြင့် သူတို့ဆီကအက်ဆစ်တွေကအစာအိမ်ကိုမသက်မသာဖြစ်စေတယ်။ ညဘက်ပန်းသီးစားခြင်းဟာ အူလမ်းကြောင်းလှုပ်ရှားမှုများတွင်ပြဿနာများဖြစ်စေနိုင်သည်။ ညဘက်ဟာ အစာချေဖျက်မှုနှေးကွေးခြင်းကြောင့်မည်သည့်အစာကိုမဆိုအစာကြေဖို့ပိုကြာပါတယ်။

(၁၂) ဒိန်ချဉ်

အစာမစားခင်ဒိန်ချဉ်စားခြင်းကိုရှောင်တာပိုကောင်းပါတယ်။ ဒိန်ချဉ်မှာအစာအိမ်ရဲ့အချဉ်ဓာတ်ကိုကျဆင်းစေတဲ့ lactic အက်ဆစ်ပါဝင်ပါခြင်း‌ ကြောင့် အဓိကအစာစားနေချိန်မှာအစာခြေဖျက်မှုကိုနှေးသွား‌ စေပါလိမ့်မယ်။
ထမင်းစားပြီး ၁-၂ နာရီအကြာမှာဒိန်ချဉ်စားပါက အစာချေဖျက်မှုအတွက် လိုအပ်သော လက်တစ်အက်ဆစ်ရဲ့အကျိုးကျေးဇူးများ ရရှိပါမယ်။ အိပ်ရာမ ၀ င်ခင်ဒိန်ချဉ်အနည်းငယ်စားခြင်းဖြင့် ကြွက်သားဖွံ့ဖြိုးမှုကိုအထောက်အကူဖြစ်စေသောကြောင့် ၎င်းဟာ ပရိုတင်းဓာတ်တစ်ခုကဲ့သို့ကောင်းမွန်ပါတယ်။

ကျန်းမာရေးနှင့် ညီညွတ်စေတဲ့ သင့်ကိုယ်ပိုင် အစားအသောက်စည်းမျဉ်းများရှိရင်လည် ဝေမျှ ပေးခဲ့စေချင်ပါတယ်။

 

Rft Brightside

Written One Daily Media

 

Leave a Reply

Your email address will not be published. Required fields are marked *