Tue. Oct 26th, 2021

ပေါင်းသင်းဆက်ဆံရေးချဲ့ထွင်ချင်သူတိုင်း ရှောင်ကျဉ်သင့်တဲ့ စကားပြောဆိုမှုဆိုင်ရာ အလေ့အထများ

 

သင့်ကိုယ်သင်ပေါင်းသင်းဆက်ဆံရေးမှာ အားနည်းတယ်လို့ ခံစားနေရပြီလား။ပေါင်းသင်းဆက်ဆံမှာလိုအပ်ချက်တွေရှိခြင်းဟာ ကိုယ့်အတွက်အခွင့်လမ်းကောင်းတွေ မိတ်ကောင်းဆွေကောင်းတွေကို ဆုံးရှုံးရတက်တာကြောင့် လူတိုင်းလူတိုင်းပေါင်းသင်းဆက်ဆံရေးနဲ့ ပတ်သတ်ပြီးအလေးထားဖို့လိုအပ်ပါတယ်။သင့်အနေနဲ့ ပေါင်းဆက်ဆံရေးမကောင်းလို့ ပေါင်းသင်းဆက်ဆံရေးချဲ့ထွင်ဖို့ စဉ်းစားနေတယ်ဆိုရင်တော့ အခုပြောပြမယ့် စကားပြောဆိုမှုဆိုင်ရာ အလေ့အထလေးတွေကိုပြုပြင်ဖို့အကြံပြုလိုက်ပါတယ်။

(၁) အာရုံစိုက်မှုမရှိခြင်း

 

လူတစ်ယောက်နဲ့တစ်ယောက်စကားပြောတဲ့အခါ သေချာဂရုတစိုက်နားထောင်တက်ခြင်းကလည်း ယဉ်ကျေးမှုတစ်ခုဖြစ်ပါတယ်။တစ်ဖက်လူပြောနေတဲ့စကားကိုသေချာနားထောင်ပေးပြီး တုန်ပြန့်မှုကောင်းတဲ့စကားမျိုးပြန်လည်ပြောဆိုမှသာ တစ် ဖက်လူအနေနဲ့ သူအပေါ်အပြည့်အဝအာရုံစိုက်တယ်လို့ ယူဆ မှာပါ။ဒီလိုမှမဟုတ်ပဲ ကိုယ်နဲ့စကားပြောနေတဲ့လူအပေါ်အာရုံ စိုက်မှုမရှိပဲ ပြောသမျှ အင်းအဲလောက်သာတုန့်ပြန်မယ်ဆိုရင် တော့ သင်နဲ့နောက်ထပ်တစ်ကြိမ်စကားတွေပြောပြီး ဆက်ဆံ ရေးတည်ဆောက်ဖို့လက်တွန့်သွားမှာပါ။

(၂) အရွှန်းဖောက်လွန်းခြင်း

 

တစ်ခါတစ်လေမှာ တစ်ဖက်လူပြောနေတဲ့စကားကို ကိုယ့်အနေနဲ့ ဘာရယ်မဟုတ်စနောက်လိုက်တာမျိုးလုပ် ဖူးကြမယ်ထင် ပါတယ်။ကိုယ်ဟာစနောက်ရတာဝါသနာပါသူတစ်ယောက်ဆိုရင်လည်း အခြေအနေအချိန်အခါကိုကြည့်ပြီးမှ စနောက်သင့်ပါတယ်။တစ်ဖက်လူကတကယ်အရေးပါတဲ့စကားမျိူးလေးလေးနက်နက်ပြောဆိုနေတယ်ဆိုရင်တော့ သေချာလေးနားထောင်ပေးလိုက်ပါ။အစနောက်သန်ခြင်း အရွှန်းဖောက်လွန်းခြင်းကလည်း တစ်ခါတစ်လေမှာ ဆက်ဆံရေးပျက်ပြားသွားစေတဲ့အကြောင်းအရင်းတစ်ရပ်ဖြစ်ပါတယ်။

(၃) စကားလုပြောခြင်း

 

လူတစ်ယောက်ပြောနေတဲ့စကားကို အတင်းဖြတ်ပြီး လုပြော တာဟာ အင်မတန်ရိုင်းတဲ့အပြုအမူတစ်ခုဖြစ်ပါတယ်။ဒီလိုတစ်ဖက်လူစကားပြောနေချိန် ကိုယ်အနေနဲ့ အတင်းလုပြောတာဟာ တစ်ဖက်လူရဲ့စကားတွေအပေါ် စိတ်မဝင်စားဘူးလို့ ဖော်ပြရာရောက်ပြီး ကိုယ့်ရဲ့ယဉ်ကျေးမှုနားမလည်တဲ့ အမူအရာကိုလည်းပြသရာရောက်ပါတယ်။ဒါကြောင့်လူတွေနဲ့ စကားပြောဆိုတဲ့အခါ တစ်ဖက်လူစကားကိုဆုံးအောင်နားထောင်ပေးပြီးမှကိုယ်ပြောချင်တဲ့စကားကိုပြောဆိုသင့်တာဖြစ်ပါတယ်။

(၄) ဖုန်းတွေအပေါ်အာရုံစိုက်လွန်းခြင်း

 

အခုနောက်ပိုင်းဖုန်းတွေကလူတွေရဲ့ နေ့စဉ်ဘဝမှာမပါမဖြစ် လို့ဆိုရလောက်တဲ့အထိ အရေးပါတဲ့အရာတစ်ခုဖြစ်လာပါတယ်။ဒါပေမယ့်လည်းကိုယ့်ပတ်ဝန်းကျင်ကလူတွေထက်ပိုပြီးတော့ ဖုန်းတွေကိုအာရုံမစိုက်သင့်ပါဘူး။လူနှစ်ယောက်စကားပြောနေချိန်မှာ ဖုန်းသုံးနေတာမျိူး ဖုန်းကြည့်နေတာမျိုးကလည်း လုံးဝရှောင်ရှားသင့်တဲ့လုပ်ရပ်တစ်ခုဖြစ်ပါတယ်။မဟုတ်ရင် တော့ ဖုန်းတွေကသင့်ရဲ့ ပေါင်းသင်းဆက်ဆံရေးချဲ့ထွင်ရာမှာ အနှောက်ယှက်တစ်ခုဖြစ်လာနိုင်ပါတယ်။

Credit: Original Writer
Sharing By: #Belive In Yourself

 

Leave a Reply

Your email address will not be published. Required fields are marked *