Tue. Oct 26th, 2021

အသက် (၃၀) ဆိုတဲ့ သက်တမ်းတစ်ခုကို ရောက်လာပြီလား။ ဒါဆိုသက်တမ်းရဲ့ တဝက်နီးပါးကို ဖြတ်ကျော်ပြီးပြီပေ့ါ။ လူငယ်လေးတစ်ယောက်လို ပေ့ါပျက်ပျက်အမူအကျင့်တွေကို ထားခဲ့သင့်ပါပြီ။

အစားအစာကိုမြန်မြန်စားခြင်း

 

အစားအသောက်တွေစားသုံးတဲ့အခါ နောက်ကလူလိုက်လာသလို တက်သုတ်ရိုက်မစားသင့်ပါဘူး။ လူမြင်မတင့်တယ်သလို အစားအစာတွေရဲ့အရသာကိုလည်း ခံစားသိနိုင်မှာမဟုတ်ပါဘူး။ ပတ်ဝန်းကျင်ကနှာခေါင်းရှုံ့စရာ အမူအကျင့်ကြီးတစ်ခုပေ့ါ။

ဆေးလိပ်သောက်ခြင်း

 

အသက် (၁၈) နှစ်အရွယ်မှာ ဆေးလိပ်သောက်ခြင်းဟာ အလွန်အထင်ကြီးစရာစတိုင်ကျတဲ့ အပြုအမူတစ်ခုဖြစ်ခဲ့မှာပါ။ ယခုတည်ငြိမ်ရင့်ကျက်တဲ့အရွယ်မှာတော့ ဆေးလိပ်သောက်ခြင်းဆိုတဲ့ မကောင်းတဲ့အပြုအမူတစ်ခုကို နှုတ်ဆက်ချန်ထားသင့်ပါပြီ။ နှလုံးနဲ့အဆုတ်ကို ဒုက္ခပေးပြီး ငွေထွက်ပေါက်တစ်ခုဖြစ်တဲ့ ဆေးလိပ်သောက်ခြင်းကို မပြုလုပ်သင့်တော့ပါဘူး။

ဂိမ်းကစားခြင်း

ယနေ့ခေတ်မှာ အမျိုးမျိုးသောနည်းပညာတွေနဲ့ ဂိမ်းမျိုးစုံတို့ပေါ်ထွက်လျက်ရှိပါတယ်။ ဒါပေမယ့်ဆယ်ကျော်သက်ကလေးတွေလိုတော့ ဂိမ်းတွေနဲ့ အချိန်ဖြုန်းနေတာမျိုးမဖြစ်သင့်ပါဘူး။ ဘဝမှာ ဂိမ်းထက်အရေးပါတဲ့ လုပ်ငန်းဆောင်တာတွေအများကြီးရှိနေပါတယ်။

မိဘရဲ့လောင်းရိပ်အောက်မှာနေခြင်း

 

အသက် (၃၀) အရွယ်ဆိုတာဟာ မိဘတွေကိုပြန်လည်စောင့်ရှောက်ပေးရမယ့် အရွယ်ပါ။ မိဘတွေရဲ့ပြု စုစောင့်ရှောက်မှုကိုခံယူပြီး ရေသာခိုနေဖို့တော့ မသင့်တော့ပါဘူး။ ကိုယ်ပိုင်ဆုံးဖြတ်ချက်တွေနဲ့ ဘဝကိုကျော်ဖြတ်သင့်နေပါပြီ။

အရက်၊ ဘီယာသောက်သုံးခြင်း

 

မိတ်ဆွေ၊ အပေါင်းအသင်းများနဲ့ တွေ့ဆုံပြီးဝိုင်းဖွဲ့သောက်စားကြတာ တခါတလေအတွက် အဆင်ပြေပါတယ်။ ဒါပေမယ့် လူငယ်လေးတွေလို အမြဲသောက်စားပျော်ပါးနေရင်တော့ မကောင်းတဲ့အနှုတ်လက္ခဏာကို ဆောင်နေပါပြီ။ သင်ဟာတည်ငြိမ်လေးနက်တဲ့သူတစ်ယောက်ဖြစ်သင့်ပြီလေ။

 

Credit: Original Writer
Sharing By: #Advice Channel

 

Leave a Reply

Your email address will not be published. Required fields are marked *