Daily News

နောက်ဆုံးဆန္ဒအဖြစ် အိပ်ယာထဲမှာလဲရင်း သားဖြစ်သူရဲ့မင်္ဂလာဧည့်ခံပွဲသို့ တက်ရောက်ခွင့်ရခဲ့တဲ့ ကင်ဆာရောဂါသည်မိခင်တစ်ဦး

ဂုဏ်သိက္ခာရှိစွာသေဆုံးခြင်းဟာ ကမ္ဘာပေါ်ရှိလူအများစုအတွက် ဦးစားပေးအနေနှင့်ဖြစ်နေဆဲဖြစ်ပြီး ၎င်းတို့၏ဘ၀သက်တမ်းကုန်ခါနီးလူနာအချို့ဟာ ၎င်းတို့၏သက်တမ်းရင့်နေပြီဖြစ်တဲ့သူငယ်ချင်းကို နောက်ဆုံးအကြိမ်တွေ့ခြင်း၊ ၎င်းတို့၏သားသမီးများဘွဲ့ရတာကို မြင်ချင်ခြင်း ၊ အကြိုက်ဆုံးဘီယာသောက်ခြင်း (သို့) ၎င်းတို့ရဲ့ကျိန်ဆိုထားတဲ့ရန်သူကိုခွင့်လွတ်ပေးဖို့ တွေ့ချင်ခြင်းကဲ့သို့သောပုံမှန်မဟုတ်သောဆန္ဒများရှိနိုင်ပါတယ်။ သို့ပေမယ့် ၎င်းတို့ရဲ့နောက်ဆုံးဆန္ဒပြည့်စုံတာက ၎င်းတို့ရဲ့ချစ်ရသူတွေကိုငြိမ်းချမ်းသွားစေရုံသာမက ကမ္ဘာပေါ်မှာ ၎င်းတို့ရဲ့ဘ၀ကိုနောက်ဆုံးပိတ်သိမ်းခြင်းတစ်ခုအဖြစ်လည်းရှုမြင်နိုင်ပါတယ်။ ထိုကဲ့သို့သောအကြောင်းအရာကဲ့သို့ စင်္ကာပူနိုင်ငံသား Ng Yuet Hay အမည်ရှိ အသက် ၇၁ နှစ်အရွယ်သူမဟာ ၂၀၂၀ခုနှစ် ဇူလိုင်လတွင် အဆင့် ၄ ပန်ကရိယကင်ဆာရောဂါခံစားခဲ့ရပြီးနောက် ၎င်းနှင့်လုံးထွေးခဲ့ရပါတယ်။

ဆရာဝန်များက သူမသည် နောက်ထပ်လအနည်းငယ်သာအသက်ရှင်ရန်ကျန်ရှိကြောင်း ပြောတဲ့အခါ သူမ၏စိတ်ထဲတွင် သူ့သား Chia Fu Yong ရဲ့မင်္ဂလာပွဲကိုတော့မြင်ချင်သေးတယ်ဆိုတဲ့ အတွေးတစ်ခုချက်ချင်းဝင်လာခဲ့ရပါတယ်။ အသက် ၃၅ နှစ်အရွယ် Chia အမည်ရှိသားဖြစ်သူဟာ လာမည့်နှစ်မှ သူ့၏မင်္ဂလာဆောင်ပွဲကိုပြုလုပ်ရန်စီစဉ်ခဲ့သော်လည်း မိခင်ဖြစ်သူ၏ဆန္ဒကိုဖြည့်ဆည်းရန် မင်္ဂလာပွဲရက်ကို ရှေ့တိုးရန် ရက်သတ်မှတ်ခဲ့ရပါတယ်။

သားဖြစ်သူဟာ မိခင်က သူ့ရဲ့မင်္ဂလာပွဲကို မမြင်လိုက်ရမှာကို စိုးရိမ်နေခဲ့ပြီး မိခင်ဖြစ်သူရဲ့ကျန်ရှိမဲ့အချိန်ကိုလည်း သေချာစွာ မသိနိုင်ကြောင်း ပြောကြားခဲ့ပါတယ်။ ဟုတ်ပါတယ် ၊ သားသမီးတိုင်းရဲ့ကြီးပြင်းလာတာနှင့် အချိန်တန်ရင်လက်ထပ်စေချင်ကြတာကို မြင်ဖို့ကမိဘတိုင်းရဲ့ဆန္ဒပါဘဲ။

ဒါကြောင့် Chia ဟာ နောင်တမရချင်ဘဲ ပွဲမြန်မြန်လုပ်ရန်ဆုံးဖြတ်ခဲ့ပါတော့တယ်။ သူဟာ အမေဖြစ်သူရဲ့ဆန္ဒကိုသူ့သူငယ်ချင်းတွေကိုပြောပြခဲ့ပြီး ၎င်းတို့က သေလုမျောပါးဖြစ်နေတဲ့အမေဖြစ်သူရဲ့နောက်ဆုံးဆန္ဒကိုဖြည့်ဆည်းပေးရန် Ambulance Wish Singapore (AWS) ဆိုတဲ့နာမကျန်းဖြစ်လူနာတွေအတွက် အပြုသဘောဆောင်တဲ့ဘ၀အတွေ့အကြုံတွေကိုဖန်တီးပေးတဲ့အဖွဲ့အစည်းတစ်ခုသို့ တောင်းဆိုခဲ့ကြပါတယ်။

ထို့နောက် ၂၀၂၀ခုနှစ် အောက်တို့ဘာလ ၁၀ ရက်နေ့မှာ သားဖြစ်သူ၏မင်္ဂလာဆောင်ကိုတက်ရောက်ချင်ခဲ့တဲ့ Ng ၏ဆန္ဒကို AWS ကဖြည့်ဆည်းပေးနိုင်ခဲ့ပါတယ်။ AWS က ၎င်းမင်္ဂလာပွဲအကြောင်းကို Facebook ပေါ်မှာ တင်ထားခဲ့ပြီးနောက် ၎င်းသတို့သားအသစ်နှင့်အမေဖြစ်သူတို့အား မင်္ဂလာပွဲမှာ အတူရှိစေခဲ့ခြင်းကြောင့် လူအများက AWS ကို ကျေးဇူးတင်ကာ ၎င်းသတို့သားတို့သားအမိကိုပါ ကောင်းချီးပေးခဲ့ကြပါတယ်။

“ အချိုမြိန်ဆုံးအခိုက်အတန့်ဟာ သတို့သားနှင့်သတို့သမီးတို့က တရားဝင်ဇနီးမောင်နှံအဖြစ်ကြေငြာလိုက်တဲ့အချိန်မှာ မိခင် Ng က ပွဲဧည့်သည်တော်တွေနဲ့အတူ ပျော်ရွှင်စွာ လက်ခုပ်တီးပေးခဲ့တဲ့အချိန်ပါဘဲ” ဟု AWS က ရေးသားဖော်ပြခဲ့ပါတယ်။

AWS ၏ page ဟာ ၎င်းမင်္ဂလာဆောင်ဓာတ်ပုံများနှင့်ပြည့်နှက်နေခဲ့ပြီး ဓာတ်ပုံများထဲမှ မိခင် Ng ဟာ မိုဘိုင်းလ်အိပ်ယာ/ထမ်းစင်မှ မင်္ဂလာဧည့်ခံခြင်းကိုကြည်နူးစွာ ကြည့်နေရင်း ရောင်စုံပန်းထိုးထိုးထားတဲ့ cheongsam ကို သင့်တင့်လျောက်ပတ်စွာ ၀ တ်ဆင်ထားခဲ့ပါတယ်။ AWS ၏ဥက္ကဋ္ဌ Ong Yew Jin က ၎င်းမင်္ဂလာပွဲ၌ပါဝင်အားဖြည့်ပေးခဲ့ကြတဲ့ ဒေသခံရေခဲမုန့်အရောင်းဆိုင် The Humble Scoop နှင့် စပွန်ဆာပေးတဲ့ Just Weddings Photography တို့အား Ng အတွက်အမှတ်တရမင်္ဂလာပွဲဖြစ်စေရန်ပံ့ပိုးကူညီပေးမှုအတွက် ကျေးဇူးတင်စကားပြောခဲ့ပါသေးတယ်။

Mia (Mckzone Daily)

Source : goodtimes

Leave a Comment