Tue. Oct 26th, 2021

#Unicode Version

“အရမ်းထိမိတဲ့စာသားလေးပါ”

ပန်းတိုင်ကိုရောက်ဖို့အတွက် လူတွေရဲ့မျက်လုံးတွေကို မကြည့်ပါနဲ့။ ကိုယ်လမ်းကိုသာကြည့်ပါ။

အောင်မြင်မှုရဖို့အတွက် လူတွေရဲ့ စကားတွေကို နားထောင်မနေပါနဲ့။ ကိုယ်ဆုံးဖြတ်ချက်ကိုသာ ခိုင်ခိုင်မာမာချပါ။

ဘဝတက်လမ်းအတွက် လူတွေရဲ့ အမှုအရာတွေကို ဂရုမစိုက်ပါနဲ့။ ကိုယ်လုပ်သင့်တာကို ရဲရဲဝံ့ဝံ့လုပ်ပါ။

စကားများများ ပြောမိရင် ရူးနေလားလို့ အထင်ခံရလိမ့်မယ်။ စကားပြန်မပြောရင်လည်း မာနကြီးတယ်လို့ အထင်ခံရလိမ့်မယ်။ အမြဲတမ်းပြုံးနေရင် ပေါတောတောလို့ အထင်ခံရလိမ့်မယ်။ တည်တည်ကြည်ကြည် နေမိရင်လဲ ဘဝင်မြင့်နေတယ်လို့ အထင်ခံရလိမ့်မယ်။

ကိုယ့်ဘဝကို ကိုယ်တိုင်သိနေတာပဲလို့ သူတစ်ပါးကို မထိခိုက်ပဲ ကိုယ်အဆင်ပြေသလို နေထိုင်တတ်ဖို့က အရေးကြီးပါတယ်။

သူတစ်ပါးလဲကျနေရင် စေတနာသန့်သန့်နဲ့ ကိုယ်တတ်နိုင်သလောက် ဆွဲထူပေးလိုက်ပါ။ ကိုယ်လဲကျနေရင်တော့ ကိုယ်ကိုယ်တိုင်ပဲ ပြန်ထနိုင်အောင် ကြိုးစားပါ။ ဘာကြောင့်လဲဆိုတော့ ကိုယ့်လို စိတ်ဓာတ်မျိုးက သူတစ်ပါးဆီမှာ ရှိချင်မှရှိမှာ။

မနေ့ကဆိုတာ အတိတ်တစ်ခုပါ။ မနက်ဖြန်ဆိုတာလဲ အိပ်မက်တစ်ခုပါပဲ။ ဒီနေ့သာလျှင် ဘဝတစ်ခုလေ။ ဘဝဆိုတာ ပျော်လည်းတစ်နေ့ မပျော်လည်း တစ်နေ့ပါပဲ။

အကောင်းဆုံးဖြစ်အောင် ဘယ်လိုဖြတ်သန်း ရမှာလည်းဆိုတာ ကိုယ့်အပေါ်မှာပဲ မူတည်တယ်။

အရိုးသားဆုံး လူတစ်ယောက်မဖြစ်သေးရင်တောင် က်ိုယ့်ကိုယ်ကို မလိမ်မိပါစေနဲ့။ ယုံကြည်မှု မပျက်စေနဲ့။ ကိုယ့်အတွက် ယုံကြည်ရဆုံးက ကိုယ်တစ်ယောက်တည်းပဲရှိတယ်။

ဒါကြောင့် ကိုယ့်ကိုယ်ကို အမြဲတမ်းယုံကြည်မှုရှိပါ။ ဘယ်လိုအခက်အခဲမျိုးကိုမဆို ငါရအောင်ဖြေရှင်းနိုင်တယ်။ ငါဖြတ်ကျော်နိုင်တယ်ဆိုတဲ့ ကိုယ့်ကိုယ်ကို ယုံကြည်တဲ့စိတ်နဲ့ အမြဲရှေ့ဆက်နိုင်အောင် ကြိုးစားပါ။

“စာပေချစ်မြတ်နိုးသူ ညီငယ်၊ ညီမငယ်အားလုံး ကိုယ့်ကိုယ်ကို ယုံကြည်မှုရှိတဲ့ လူများ ဖြစ်လာကြပါစေ”

 

Credit: Original Writer
Sharing By: #One Daily Media

 

Leave a Reply

Your email address will not be published. Required fields are marked *