success

ချမ်းသာအောင်မြင်သူတွေဆီက အတုယူသင့်တဲ့ အကျင့်ကောင်း (၅) မျိုး

အောင်မြင်ခြင်းရဲ့ လျှို့ဝှက်ချက်က ဘာလဲလို့ မေးရင် ဘယ်တော့မှ အဖြေတစ်မျိုးတည်း မထွက်ပါဘူး။ အကြံပေးချင်တာက တကယ်ချမ်းသာအောင်မြင်သွားသူတွေ ကျင့်သုံးတဲ့ အလေ့အကျင့်မျိုး ကိုယ်လည်း အတုယူပြီး လိုက်လုပ်ဖို့ ပါပဲ။

(၁) မပျင်းနဲ့

 

Alpha M လို့ ခေါ်တဲ့ YouTube ချန်နယ်က Vlogger အာရွန်မာရီနိုရဲ့ စကားအတိုင်းဆိုရင် အောင်မြင်ဖို့အတွက် လျှို့ဝှက်ချက်တစ်ခုပဲ ရှိပါတယ်။ အဲ့ဒါက ဘယ်တော့မှ မပျင်းဖို့ပါ။ အောင်မြင်ဖို့အတွက် နံပါတ်တစ် လျှို့ဝှက်ချက်က ဘယ်တော့မှ မပျင်းရိဖို့ပဲ ဖြစ်ပါတယ်။

(၂) တစ်ခုတည်းကို အကောင်းဆုံး လုပ်ပါ

 

ဟိုဟာစပ်စပ် ဒီဟာစပ်စပ် လိုက်လုပ်တာထက် ကိုယ်ယုံကြည်မှု အရှိဆုံးနဲ့ အားအသန်ဆုံးအပိုင်းမှာ အကောင်းဆုံးဖြစ်အောင် ကြိုးစားခြင်းက အောင်မြင်မှုရဲ့ လျှို့ဝှက်ချက်ထဲမှာ ပါပါတယ်။ အရာရာတိုင်းကို အရိုးရှင်းဆုံးဖြစ်အောင် လုပ်ပါ။ ရှင်းရှင်းလင်းလင်း မြင်အောင် လုပ်ပြီး ကိုယ့်ရဲ့ အကောင်းဆုံး စွမ်းရည်နဲ့ လုပ်အားကို ထည့်သုံးမယ်ဆိုရင် တကယ်အောင်မြင်ပါတယ်။

(၃) ငွေက သင့်အတွက် အလုပ်လုပ်အောင် ခိုင်းတတ်ပါစေ

 

“ငွေရဖို့ အလုပ်မလုပ်ပါနဲ့ ၊ ဒါက မြန်မြန်ဆန်ဆန်ပဲ ပျက်စီးသွားမှာပါ။ ဘယ်တော့မှလည်း ကိုယ်လုပ်တာအတွက် အားရကျေနပ်မှုလည်း ရှိမှာ မဟုတ်ပါဘူး” လို့ Apple အမှုဆောင်အရာရှိချုပ်က အကြံပေးခဲ့ဖူးပါတယ်။
ပုဂ္ဂလိက ဘဏ္ဍာရေးပညာပေးကုမ္ပဏီ Rich Dad ကို ထူထောင်ခဲ့တဲ့ ရောဘတ်ကီရောစကီးကလည်း လေ့လာဖို့ အလုပ်လုပ်ပါ။ ငွေရှာဖို့ပဲ အလုပ်မလုပ်ပါနဲ့လို့ ပြောထားပါတယ်။ ငွေကို ကိုယ့်အတွက် အလုပ်လုပ်လာအောင် ခိုင်းတတ်သွားမယ်ဆိုရင် ငွေနဲ့ပြေးတမ်းလိုက်တမ်း ကစားပွဲမှာ မမောပန်းစတမ်း အနိုင်ရလာမှာ ဖြစ်ပါတယ်။

(၄) တစ်ခြားသူတွေရဲ့ လူမှုကွန်ရက်ပေါ်က အောင်မြင်မှုပဲ ကြည့်မနေပါပဲ

 

လူအများစုဟာ တစ်ခြားသူတွေကိုပဲ လိုက်ကြည့်နေတာနဲ့တင် ကိုယ့်ဘဝတိုးတက်အောင် လုပ်ဖို့ မေ့လျော့နေကြတယ်လို့ စကားရှိပါတယ်။ အောင်မြင်ချင်သူတွေဟာ တစ်ခြားသူတွေနဲ့ ကိုယ့်ကိုယ်ကိုယ် ဘယ်အချိန် အဆက်ဖြတ်/ခွဲခြားလိုက်ရမလဲ သိတတ်ဖို့ လိုပါတယ်။ လူမှုကွန်ရက်ခေတ်မှာ Social Media ပေါ်က တစ်ခြားသူတွေ တင်ထားနေတဲ့ အကြွားပို့စ်တွေ ကြည့်ပြီး မခံချိမခံသာ ဖြစ်ရုံနဲ့တော့ ဘာအကျိုးမှလည်း ရှိမှာ မဟုတ်ပါဘူး။
ကိုယ့်လမ်းကြောင်းကို ကိုယ်ပဲ ခုတ်ထွင်ပါ။ အောင်မြင်ချမ်းသာအောင် ကိုယ့်ကို ပို့ဆောင်မှာ ကိုယ့်ရဲ့ ကံ ၊ ဉာဏ်နဲ့ ဝီရိယပဲ ရှိတယ်ဆိုတာ အမြဲနှလုံးသွင်းထားပါ။ အောင်မြင်အောင် ကြိုးစားနေချိန်မှာ တစ်ခြားသူတွေရဲ့ အမြင်တွေ ၊ ခြေလှမ်းတွေကို အလွန်အကျွံ အာရုံမစိုက်ဖို့ အမြဲပဲ ထိန်းချုပ်ထားဖို့ လိုပါတယ်။

(၅) အောင်မြင်မှု တံခါးကို အမြဲခေါက်နေပါ

ချမ်းသာဖို့အတွက် အလုပ်လည်း ကြိုးစား ၊ မိတ်ဆွေကောင်းတွေလည်း ရှာဖွေထားဖို့ လိုပါတယ်။ ကိုယ်လေးစားအားကျရတဲ့ အောင်မြင်ချမ်းသာသူတွေနဲ့ ရင်းနှီးရင် ပိုကောင်းပါတယ်။ နောက်တစ်ချက် တိုးတက်မယ့် စာတွေ အမြဲမပြတ် ဖတ်ရှုနေတာကလည်း အောင်မြင်မှုဆီ သွားတဲ့ လမ်းပေါ်က တံခါးတွေကို ခေါက်နေတာပဲ ဖြစ်ပါတယ်။Credit: Original Writer

 

Leave a Comment