success

ဂျက်မားရဲ့ အောင်မြင်ကြွယ်ဝချမ်းသာရေး နည်းဗျူဟာ(၁၀)ချက်

#Unicode Version

ဂျက်မားဆိုတာ ကမ္ဘာ့အချမ်းသာဆုံး ဘီလျံနာတစ်ဦး ဖြစ်ပြီး သူ့ရဲ့ အသားတင်ပိုင်ဆိုင်မှုဟာ ၂၉.၇ ဘီလျံ ဒေါ်လာအထိ ရှိပါတယ်။ ငယ်စဉ်ဘ၀ကတည်းက ရုန်းကန်လာခဲ့တဲ့ ဂျက်မားဟာ အာလီဘာဘာကုမ္ပဏီကို တည်ထောင်ပြီး ခုလိုကြွယ်၀ချမ်းသာလာအောင် ဘယ်လိုအချက်တွေက လုပ်ပေးခဲ့ပါသလဲ။

၁။ ငြင်းပယ်မှုများကို ခံနိုင်စွမ်းရှိပါ

ဂျက်မားဟာ ကောလိပ်ကျောင်းပြီးတဲ့နောက်မှာ အလုပ်ပေါင်း (၃၀) ကျော်လျှောက်ခဲ့ပါတယ်။ တစ်ခုမှ သူ့ကို မရွေးပါဘူး။ KFC မှာ အလုပ်လျှောက်တော့ ၂၄ ယောက်မှာ ၂၃ ယောက်ကို ရွေးပါတယ်။ ကျန်ခဲ့တဲ့ တစ်ယောက်ကတော့ ဂျက်မားပါ။ ရဲလုပ်မယ်ဆိုပြီး လျှောက်ပြန်တော့ ငါးယောက်မှာ လေးယောက်ကို ရွေးပါတယ်။ ကျန်ခဲ့တဲ့သူကတော့ ဂျက်မားပါပဲ။ ဟားဗတ်ကို ၁၁ ကြိမ်လျှောက်ပြီး ၁၁ ကြိမ်လုံး ပယ်ချခံခဲ့ရပါတယ်။

၂။ အိမ်မက်များ အမြဲရှင်သန်နေပါစေ

ဂျက်မားပြောတဲ့ အောင်မြင်မှုရဲ့ လျှို့ဝှက်ချက်ကတော့ “အိမ်မက်တွေ အမြဲရှင်သန်နေပါစေ” ပဲဖြစ်ပါတယ်။ ဘယ်တော့မှ ကိုယ့်ရဲ့ အရှိန်ကို မလျော့လိုက်ပါနဲ့လို့ ဆိုပါတယ်။

၃။ လုပ်ငန်းခွင်အတွင်း culture အပေါ် အာရုံစိုက်ပါ

ဂျက်မားက သူ့ကုမ္ပဏီမှာ ၀န်ထမ်း ၈၀ ရှိရာကနေပြီး ၂၀၀၀၀ အထိရှိလာပေမယ်လို့ သူတို့ရဲ့ Culture အပေါ်မှာ အာရုံးစူးစိုက်ထားတယ်လို့ ဆိုပါတယ်။ ၀န်ထမ်းတွေဟာ အဖွဲ့အစည်းရဲ့ Mission နဲ့ Value ကို သေချာစွာ သိနားလည်ပြီး ပိုက်ဆံအတွက် အလုပ်လုပ်နေတာဆိုတဲ့ အတွေးထက် ပိုတွေးတတ်ဖို့ လိုတယ်လို့ သူက ဆိုပါတယ်။

၄။ အထင်အမြင်သေးတဲ့ စကားတွေကို မသိကျေးကျွန်ပြုပါ

AliPaid ဆိုတဲ့ အိုင်ဒီယာကို စပြောတုန်းက လူတွေက မဖြစ်နိုင်ပါဘူး၊ ရှုံးကိုရှုံးမှာလို့ ဝိုင်းပြောကြတယ်။ ခုကျတော့ AliPaid ကို သုံးစွဲသူပေါင်းက သန်း ၈၀၀ ရှိနေပါပြီလို့ ဆိုပါတယ်။

၅။ စိတ်ဓာတ်တက်ကြွအောင် နေပါ

ဂျက်မားဟာ ရုပ်ရှင် ဗီဒီယိုတွေကြည့်ပြီးတော့ စိတ်ဓာတ်ခွန်အားဖြည့်ပါတယ်။ သူက Body Guard ဇာတ်ကားကြည့်ပြီး ဘယ်လိုဟောပြောရမလဲဆိုတာ သင်ယူခဲ့တယ်၊ Forest Gump ဇာတ်ကားကြည့်ပြီး စိတ်ခွန်အား ရယူခဲ့တယ်လို့ ပြောပါတယ်။

၆။ တခုကို စူးစူးစိုက်စိုက်လုပ်ပါ။ ကျန်တာတွေကို ငြင်းပယ်ပါ

အခွင့်အရေးဆိုတာ အမြဲပေါ်နေတာပါ။ အခွင့်အရေးပေါ်သမျှ လိုက်ပြီးယူနေမယ်ဆိုရင် ဂျက်မားအတွက်တော့ တစ်နေ့ကို အခွင့်အရေးပေါင်း ၅၀၀၀ လောက်ရနေမှာပါပဲ။ ဒါပေမယ့် ဆုတ်ကိုင်ထားတဲ့ အခွင့်အရေးတစ်ခုပေါ်မှာ အာရုံစူးစိုက်ဖို့လိုပါတယ်။

၇။ ကုမ္ပဏီနာမည်ကို ကောင်းကောင်းရွေးပါ

ဂျက်မားက သူ့ရဲ့ကုမ္ပဏီနာမည် ရွေးခဲ့ပုံကို ပြောပြပါတယ်။ “ကုမ္ပဏီနာမည်ကို ကျွန်တော် ရက်တော်တော်ကြာအောင် စဉ်းစားရတယ်ဗျ။ တစ်နေ့ ကျွန်တော် ဆန်ဖရန်ဆစ္စကိုရဲ့ စားသောက်ဆိုင် တစ်ဆိုင်မှာ ရှိနေတုန်း အာလီဘာဘာ ကို သွားစဉ်းစားမိတယ်။ အင်တာနတ်ဆိုတာ ကမ္ဘာ့တခုလုံးနဲ့ဆိုင်တယ်လေ။ အဲလိုပဲ ကုမ္ပဏီနာမည်ကိုလဲ ကမ္ဘာသိနာမည်ရွေးရမယ်။ အဲဒါနဲ့ ဆိုင်က စာပွဲထိုးလေးကို မေးကြည့်တယ်။ အာလီဘာဘာ ဆိုတာ သိလား။ သူက သိတယ်လေ။ အိုးပန်းဆက်စမီလို့ ပြန်ဖြေတယ်။ အဲဒါနဲ့ ကျွန်တော်လည်း ဆိုင်ကထွက်ပြီးတော့ မြင်တဲ့ လူ ၂၀ လောက်ကို လိုက်မေးတယ်။ အာလီဘာဘာဆိုတာသိလားလို့။ အားလုံးက သိတယ်တဲ့။ အဲလိုနဲ့ နာမည်ကောင်းတစ်ခုကို ရခဲ့တယ်။

၈။ ဖောက်သည်တွေက နံပါတ်တစ်

ဂျက်မားက “ ဖောက်သည်ဆိုတာ ကျွန်တော့်အတွက် နံပါတ်တစ်ပါပဲ။ နံပါတ်နှစ်ကတော့ ၀န်ထမ်းတွေပါ။ နံပါတ်သုံးကတော့ အစုရှယ်ယာပိုင်ရှင်တွေပါ။ ဖောက်သည်တွေ ပိုက်ဆံပေးတယ်၊ ၀န်ထမ်းတွေက လုပ်ငန်းကြီးထွားအောင်လုပ်ပေးတယ်။ ရှယ်ယာရှင်တွေကတော့ နောက်တစ်ရက် Crisis ဖြစ်မယ်လို့ ကြားတာနဲ့ ကိုယ့်ဆီက ထွက်သွားမှာပဲ။ အဲဒီအချိန်မှာ ဖောက်သည်နဲ့ ၀န်ထမ်းပဲ ကိုယ့်ဆီမှာ ကျန်ခဲ့မှာ” လို့ ပြောပါတယ်။

၉။ အပြစ်တွေရှာမယ့်အစား အခွင့်အလမ်းတွေရှာပါ

လူတွေက အပြစ်တွေ တင်တတ်ကြတယ်။ တချို့က အပြစ်တင်တယ်။ တစ်ချို့က ပြောင်းလဲလာတယ်။ တချို့က အဲဒီ အပြစ်တွေကို အခွင့်အလမ်းတွေ အဖြစ် မြင်ကြတယ်။ တကယ်တော့ အပြစ်တင်စရာရှိတဲ့နေရာ၊ ပြဿနာရှိတဲ့နေရာဆိုတာက အခွင့်အလမ်းရှိတဲ့ နေရာဖြစ်တယ်လို့ ဂျက်မားက ပြောပါတယ်။

၁၀။ ပထမဆုံးစတင်တဲ့နေမှာပဲ ရည်မှန်းချက်ကြီးကြီးထားပါ

ဂျက်မားဟာ ကိုယ်တိုင်ရည်မှန်းချက်ကြီးမားပြီး စိတ်ဓာတ်တက်ကြွယုံမက သူ့ရဲ့၀န်ထမ်းတွေကိုလည်း စိတ်ဓာတ်မြှင့်တင်ပေးနိုင်တဲ့သူဖြစ်ပါတယ်။

Credit : Original Writer
Sharing By: # Go_for_Goal

#Zawgyi Version

ဂ်က္မားရဲ႕ ေအာင္ျမင္ႂကြယ္ဝခ်မ္းသာေရး နည္းဗ်ဴဟာ(၁၀)ခ်က္

ဂ်က္မားဆိုတာ ကမာၻ႔အခ်မ္းသာဆုံး ဘီလ်ံနာတစ္ဦး ျဖစ္ၿပီး သူ႔ရဲ႕ အသားတင္ပိုင္ဆိုင္မႈဟာ ၂၉.၇ ဘီလ်ံ ေဒၚလာအထိ ရွိပါတယ္။ ငယ္စဥ္ဘ၀ကတည္းက ႐ုန္းကန္လာခဲ့တဲ့ ဂ်က္မားဟာ အာလီဘာဘာကုမၸဏီကို တည္ေထာင္ၿပီး ခုလိုႂကြယ္၀ခ်မ္းသာလာေအာင္ ဘယ္လိုအခ်က္ေတြက လုပ္ေပးခဲ့ပါသလဲ။

၁။ ျငင္းပယ္မႈမ်ားကို ခံႏိုင္စြမ္းရွိပါ

ဂ်က္မားဟာ ေကာလိပ္ေက်ာင္းၿပီးတဲ့ေနာက္မွာ အလုပ္ေပါင္း (၃၀) ေက်ာ္ေလွ်ာက္ခဲ့ပါတယ္။ တစ္ခုမွ သူ႔ကို မေ႐ြးပါဘူး။ KFC မွာ အလုပ္ေလွ်ာက္ေတာ့ ၂၄ ေယာက္မွာ ၂၃ ေယာက္ကို ေ႐ြးပါတယ္။ က်န္ခဲ့တဲ့ တစ္ေယာက္ကေတာ့ ဂ်က္မားပါ။ ရဲလုပ္မယ္ဆိုၿပီး ေလွ်ာက္ျပန္ေတာ့ ငါးေယာက္မွာ ေလးေယာက္ကို ေ႐ြးပါတယ္။ က်န္ခဲ့တဲ့သူကေတာ့ ဂ်က္မားပါပဲ။ ဟားဗတ္ကို ၁၁ ႀကိမ္ေလွ်ာက္ၿပီး ၁၁ ႀကိမ္လုံး ပယ္ခ်ခံခဲ့ရပါတယ္။

၂။ အိမ္မက္မ်ား အၿမဲရွင္သန္ေနပါေစ

ဂ်က္မားေျပာတဲ့ ေအာင္ျမင္မႈရဲ႕ လွ်ိဳ႕ဝွက္ခ်က္ကေတာ့ “အိမ္မက္ေတြ အၿမဲရွင္သန္ေနပါေစ” ပဲျဖစ္ပါတယ္။ ဘယ္ေတာ့မွ ကိုယ့္ရဲ႕ အရွိန္ကို မေလ်ာ့လိုက္ပါနဲ႔လို႔ ဆိုပါတယ္။

၃။ လုပ္ငန္းခြင္အတြင္း culture အေပၚ အာ႐ုံစိုက္ပါ

ဂ်က္မားက သူ႔ကုမၸဏီမွာ ၀န္ထမ္း ၈၀ ရွိရာကေနၿပီး ၂၀၀၀၀ အထိရွိလာေပမယ္လို႔ သူတို႔ရဲ႕ Culture အေပၚမွာ အာ႐ုံးစူးစိုက္ထားတယ္လို႔ ဆိုပါတယ္။ ၀န္ထမ္းေတြဟာ အဖြဲ႕အစည္းရဲ႕ Mission နဲ႔ Value ကို ေသခ်ာစြာ သိနားလည္ၿပီး ပိုက္ဆံအတြက္ အလုပ္လုပ္ေနတာဆိုတဲ့ အေတြးထက္ ပိုေတြးတတ္ဖို႔ လိုတယ္လို႔ သူက ဆိုပါတယ္။

၄။ အထင္အျမင္ေသးတဲ့ စကားေတြကို မသိေက်းကြၽန္ျပဳပါ

AliPaid ဆိုတဲ့ အိုင္ဒီယာကို စေျပာတုန္းက လူေတြက မျဖစ္ႏိုင္ပါဘူး၊ ရႈံးကိုရႈံးမွာလို႔ ဝိုင္းေျပာၾကတယ္။ ခုက်ေတာ့ AliPaid ကို သုံးစြဲသူေပါင္းက သန္း ၈၀၀ ရွိေနပါၿပီလို႔ ဆိုပါတယ္။

၅။ စိတ္ဓာတ္တက္ႂကြေအာင္ ေနပါ

ဂ်က္မားဟာ ႐ုပ္ရွင္ ဗီဒီယိုေတြၾကည့္ၿပီးေတာ့ စိတ္ဓာတ္ခြန္အားျဖည့္ပါတယ္။ သူက Body Guard ဇာတ္ကားၾကည့္ၿပီး ဘယ္လိုေဟာေျပာရမလဲဆိုတာ သင္ယူခဲ့တယ္၊ Forest Gump ဇာတ္ကားၾကည့္ၿပီး စိတ္ခြန္အား ရယူခဲ့တယ္လို႔ ေျပာပါတယ္။

၆။ တခုကို စူးစူးစိုက္စိုက္လုပ္ပါ။ က်န္တာေတြကို ျငင္းပယ္ပါ

အခြင့္အေရးဆိုတာ အၿမဲေပၚေနတာပါ။ အခြင့္အေရးေပၚသမွ် လိုက္ၿပီးယူေနမယ္ဆိုရင္ ဂ်က္မားအတြက္ေတာ့ တစ္ေန႔ကို အခြင့္အေရးေပါင္း ၅၀၀၀ ေလာက္ရေနမွာပါပဲ။ ဒါေပမယ့္ ဆုတ္ကိုင္ထားတဲ့ အခြင့္အေရးတစ္ခုေပၚမွာ အာ႐ုံစူးစိုက္ဖို႔လိုပါတယ္။

၇။ ကုမၸဏီနာမည္ကို ေကာင္းေကာင္းေ႐ြးပါ

ဂ်က္မားက သူ႔ရဲ႕ကုမၸဏီနာမည္ ေ႐ြးခဲ့ပုံကို ေျပာျပပါတယ္။ “ကုမၸဏီနာမည္ကို ကြၽန္ေတာ္ ရက္ေတာ္ေတာ္ၾကာေအာင္ စဥ္းစားရတယ္ဗ်။ တစ္ေန႔ ကြၽန္ေတာ္ ဆန္ဖရန္ဆစၥကိုရဲ႕ စားေသာက္ဆိုင္ တစ္ဆိုင္မွာ ရွိေနတုန္း အာလီဘာဘာ ကို သြားစဥ္းစားမိတယ္။ အင္တာနတ္ဆိုတာ ကမာၻ႔တခုလုံးနဲ႔ဆိုင္တယ္ေလ။ အဲလိုပဲ ကုမၸဏီနာမည္ကိုလဲ ကမာၻသိနာမည္ေ႐ြးရမယ္။ အဲဒါနဲ႔ ဆိုင္က စာပြဲထိုးေလးကို ေမးၾကည့္တယ္။ အာလီဘာဘာ ဆိုတာ သိလား။ သူက သိတယ္ေလ။ အိုးပန္းဆက္စမီလို႔ ျပန္ေျဖတယ္။ အဲဒါနဲ႔ ကြၽန္ေတာ္လည္း ဆိုင္ကထြက္ၿပီးေတာ့ ျမင္တဲ့ လူ ၂၀ ေလာက္ကို လိုက္ေမးတယ္။ အာလီဘာဘာဆိုတာသိလားလို႔။ အားလုံးက သိတယ္တဲ့။ အဲလိုနဲ႔ နာမည္ေကာင္းတစ္ခုကို ရခဲ့တယ္။

၈။ ေဖာက္သည္ေတြက နံပါတ္တစ္

ဂ်က္မားက “ ေဖာက္သည္ဆိုတာ ကြၽန္ေတာ့္အတြက္ နံပါတ္တစ္ပါပဲ။ နံပါတ္ႏွစ္ကေတာ့ ၀န္ထမ္းေတြပါ။ နံပါတ္သုံးကေတာ့ အစုရွယ္ယာပိုင္ရွင္ေတြပါ။ ေဖာက္သည္ေတြ ပိုက္ဆံေပးတယ္၊ ၀န္ထမ္းေတြက လုပ္ငန္းႀကီးထြားေအာင္လုပ္ေပးတယ္။ ရွယ္ယာရွင္ေတြကေတာ့ ေနာက္တစ္ရက္ Crisis ျဖစ္မယ္လို႔ ၾကားတာနဲ႔ ကိုယ့္ဆီက ထြက္သြားမွာပဲ။ အဲဒီအခ်ိန္မွာ ေဖာက္သည္နဲ႔ ၀န္ထမ္းပဲ ကိုယ့္ဆီမွာ က်န္ခဲ့မွာ” လို႔ ေျပာပါတယ္။

၉။ အျပစ္ေတြရွာမယ့္အစား အခြင့္အလမ္းေတြရွာပါ

လူေတြက အျပစ္ေတြ တင္တတ္ၾကတယ္။ တခ်ိဳ႕က အျပစ္တင္တယ္။ တစ္ခ်ိဳ႕က ေျပာင္းလဲလာတယ္။ တခ်ိဳ႕က အဲဒီ အျပစ္ေတြကို အခြင့္အလမ္းေတြ အျဖစ္ ျမင္ၾကတယ္။ တကယ္ေတာ့ အျပစ္တင္စရာရွိတဲ့ေနရာ၊ ျပႆနာရွိတဲ့ေနရာဆိုတာက အခြင့္အလမ္းရွိတဲ့ ေနရာျဖစ္တယ္လို႔ ဂ်က္မားက ေျပာပါတယ္။

၁၀။ ပထမဆုံးစတင္တဲ့ေနမွာပဲ ရည္မွန္းခ်က္ႀကီးႀကီးထားပါ

ဂ်က္မားဟာ ကိုယ္တိုင္ရည္မွန္းခ်က္ႀကီးမားၿပီး စိတ္ဓာတ္တက္ႂကြယုံမက သူ႔ရဲ႕၀န္ထမ္းေတြကိုလည္း စိတ္ဓာတ္ျမႇင့္တင္ေပးႏိုင္တဲ့သူျဖစ္ပါတယ္။

 

Leave a Comment