Uncategorized

ဆံပင်သန်စေမယ့် အိမ်တွင်းဖြစ်ခေါင်းလျော်ရည် ပြုလုပ်နည်းများ

ဆံသားပျက်စီးခြင်း ဆံပင်ကျွတ်ခြင်းတွေကြုံနေရလို့ စိတ်ညစ်နေပြီလား။ ဆံပင်ကျွတ်ခြင်းကိုကာကွယ်ပေးပြီး ဆံပင်သန်စေမယ့် ခေါင်းလျှော်ရည်မျိုးလိုချင်တယ်။ ဒါပေမယ့် ဈေးကွက်ထဲက shampoos တွေက ကိုယ်နဲ့မတည့်မှာ ဓာတုပစ္စည်းတွေပါဝင်နေမှာ စိုးရိမ်တယ်ဆိုရင်တော့ အန္တရာယ်ကင်းကင်းတဲ့အိမ်တွင်းဖြစ် သဘာဝခေါင်းလျှော်ရည်ကို ကိုယ်တိုင်ပြုလုပ်ပြီးသုံးနိုင်ပါတယ်။

(၁) အဆီပြန်တဲ့ ဦးရေပြားပိုင်ရှင်တွေအတွက် ကြက်ဥအနှစ် ခေါင်းလျှော်ရည်


ပါဝင်ပစ္စည်းများ

ရေ စားပွဲတင်ဇွန်း ၂ ဇွန်း
ကြက်ဥအနှစ် ၂ လုံး
သံပရာရည် (သို့) ရှားစောင်းလက်ပတ်ဂျယ် စားပွဲတင်ဇွန်း ၁ ဇွန်း
Essential oils ၅ စက်မှ ၁၀ စက်ခန့်

ပါဝင်ပစ္စည်းအားလုံးကို ရောမွှေပါ။ ထို့နောက် ဦးရေပြားပေါ်မှာ နှံ့အောင်လိမ်းပြီး ၁၀ မိနစ်ခန့်နှိပ်နယ်ပေးပါ။ ပြီးရင်တော့ ရေလောင်းချလို့ရပါပြီ။ ကြက်ဥအနှစ်က ဦးရေပြားပေါ်ကအဆီတွေကို ဖယ်ရှားပေးပြီး ဆံသားကျန်းမာသန်စွမ်းဖို့ ကူညီပေးပါတယ်။

(၂) ဆံပင်သန်စေမယ့် လက်ဖက်စိမ်း ခေါင်းလျှော်ရည်


ပါဝင်ပစ္စည်းများ

ပျားရည် စားပွဲတင်ဇွန်း ၂ ဇွန်း
သံလွင်ဆီ စားပွဲတင်ဇွန်း ၁ ဇွန်း
လက်ဖက်စိမ်း ခွက်တစ်ဝက်
သံပရာရည် (သို့) ရှားစောင်းလက်ပတ်ဂျယ် စားပွဲတင်ဇွန်း ၁ ဇွန်း
Essential oils ၅ စက်မှ ၁၀ စက်ခန့်

ပါဝင်ပစ္စည်းအားလုံးကို ခွက်တစ်ခုထဲမှာ ရောထည့်ပြီးသမအောင်မွှေပါ။ ထို့နောက်သင့်ရဲ့ ဦးရေပြားကို စိုစွတ်စေဖို့ ရေအရင်လောင်းပါ။ ပြီးရင်တော့ လက်ဖက်စိမ်းအနှစ်ကို ဦးရေပြားပေါ်လိမ်းပြီး ညင်သာစွာနှိပ်နယ်ပေးပါ။ ၁၀ မိနစ်ခန့်ကြာရင် ခေါင်းလျှော်လို့ရပါပြီ။ လက်ဖက်စိမ်းဟာ ဆံပင်ကျွတ်ခြင်းကိုဖြစ်စေတဲ့ free radicals များနဲ့ ဗောက်များကိုရှင်းထုတ်ပေးပြီး ဆံပင်သန်စေပါတယ်။ ပျားရည်ဟာလည်း အစိုဓာတ်ဖြည့်တင်းပေးတာကြောင့် ဆံသားခြောက်သွေ့ခြင်းကိုကာကွယ်ပေးပါတယ်။

(၃) ဦးရေပြားခြောက်သွေ့သူတွေအတွက် ကုလားပဲမှုန့်ခေါင်းလျှော်ရည်


ပါဝင်ပစ္စည်းများ

ကုလားပဲမှုန့် စားပွဲတင်ဇွန်း ၃ ဇွန်း
ပျားရည် စားပွဲတင်ဇွန်း ၂ ဇွန်း
ရေ ခွက်တစ်ဝက်
လိမ္မော်ခွံအမှုန့် စားပွဲတင်ဇွန်း ၁ ဇွန်းနဲ့ တဝက်

ရေကလွဲပြီး ကျန်တဲ့ပါဝင်ပစ္စည်းအားလုံးကို သမအောင်ရောမွှေပါ။ ပြီးမှ ရေကိုဖြေးဖြေးချင်းထည့်ပြီး ခပ်ပျစ်ပျစ်အနှစ်ရသည့်အထိ မွှေပေးပါ။ အမွှေးအနံ့ကြိုက်သူတွေအနေနဲ့ Essential oils ၅ စက်ခန့်ထည့်နိုင်ပါတယ်။ အရင်ဆုံးသင့်ရဲ့ ဦးရေပြားကို စိုစွတ်အောင်ပြုလုပ်ပြီး ကုလားပဲမှုန့်အနှစ်ကို ဦးရေပြားအနှံ့ ၂ မိနစ်ကနေ ၅ မိနစ်ခန့်အထိ ညင်သာစွာနှိပ်နယ်လိမ်းပေးပါ။ ကုလားပဲမှုန့်က ဆံသားအာဟာရကိုဖြည့်တင်းပေးပြီး ဆံပင်သန်စေဖို့ ကူညီပေးတဲ့အပြင် ဦးရေပြားခြောက်သွေ့ခြင်း ကျွတ်ဆတ်ကျိုးလွယ်ခြင်းတွေကို သက်သာစေပါတယ်။

(၄) ဆံသားကျန်းမာသန်စွမ်းစေမယ့် မုန့်ဖုတ်ဆော်ဒါနဲ့ ပန်းသီးရှာလကာရည်ခေါင်းလျှော်ရည်


ပါဝင်ပစ္စည်းများ

ပန်းသီးရှာလကာရည် စားပွဲတင်ဇွန်း ၂ ဇွန်း
မုန့်ဖုတ်ဆော်ဒါစားပွဲတင်ဇွန်း ၂ ဇွန်း
ရေကြက်သီးနွေး ၁ ခွက်
ရှောက်ခါးသီးအရည် ၁ ခွက်
Essential oils ၅ စက်မှ ၁၀ စက်ခန့်

ပါဝင်ပစ္စည်းအားလုံးကို ရောသမမွှေပြီး လေလုံတဲ့ ဗူးတစ်ခုထဲကိုထည့်ထားပါ။ ဘာကြောင့်လဲဆိုရင် ပန်းသီးရှာလကာရည်နဲ့ မုန့်ဖုတ်ဆော်ဒါပါဝင်တဲ့အတွက် လေမလုံရင် ဂက်စ်အဖြစ်ပြောင်းသွားနိုင်ပါတယ်။ အဆိုပါရောမွှေထားတဲ့ ခေါင်းလျှော်ရည်ကို ဦးရေပြားအနှံလိမ်းပြီး ၅ မိနစ်ခန့်ထားပေးပါ။ ပြီးရင်တော့ခေါင်းလျှော်လိုက်လို့ရပါပြီ။ မုန့်ဖုတ်ဆော်ဒါနဲ့ ပန်းသီးရှာလကာရည်ခေါင်းလျှော်ရည်ဟာ အဆီပြန်တက်တဲ့ ဦးရေပြားပိုင်ရှင်အတွက်အထူးသင့်တော်ပြီး ဆံပင်ကျွတ်ခြင်းကိုကာကွယ်ပေးကာ ဆံသားကျန်းမာသန်စွမ်းစေမှာဖြစ်ပါတယ်။

Source : Homesteading

Leave a Comment