Daily News

ဘဝတစ်လျှောက်လုံးကို အထီးကျန်စွာ ဖြတ်သန်းလာခဲ့ပြီးနောက်မှာ လူတစ်ဦးထံမှအချစ်စစ်ကို တွေ့ရှိသွားခဲ့ကြတဲ့ ခန္ဓာကိုယ်ချင်းဆက်အမွှာညီအစ်မ (ရုပ်သံ)

လူ့ဘဝဟာ အကောင်းဆုံးပုံပြင်များကို ရေးသားခဲ့ပြီး အထီးကျန်ဆန်လွန်းတဲ့ Ganga နှင့် Jamuna ဆိုတဲ့ခန္ဓာကိုယ်ချင်းဆက်အမွှာညီမတို့ရဲ့ဇာတ်လမ်းဟာ ၎င်းတို့ထဲမှတစ်ခုဘဲဖြစ်ပါတယ်။ ၎င်းတို့ဟာ အိန္ဒိယနိုင်ငံ၊ ကာလကတ္တားမြို့ရှိ ဆင်းရဲနွမ်းပါးတဲ့မိသားစုတစ်ခုမှ မွေးဖွားခဲ့ကြပါတယ်။ ၎င်းတို့ဟာ အစာအိမ်တစ်ခုတည်းကို ဝေမျှထားကြသော်လည်း သီးခြား နှလုံးများ၊ ကျောက်ကပ်များနှင့်အသည်းများပါရှိပါတယ်။


.


မည်သည့်ပညာရေးမျှမပါဘဲ ၎င်းအမွှာညီအမဟာ အသက်မွေးရန် နယ်လှည့်ဆပ်ကပ်တစ်ခုတွင် ပါဝင်ပူးပေါင်းခဲ့ကြပါတယ်။ ၎င်းတို့အား ပင့်ကူညီအမဟု လူအများက ခေါ်ဝေါ်ကြပါတယ်။ ဤကဲ့သို့သောအသွင်အပြင်ဖြင့် အချစ်စစ်ကိုရှာဖွေခြင်းဟာ ၎င်းတို့အတွက် စိန်ခေါ်မှုများရှိလိမ့်မည်ဟု ထင်နိုင်ပါတယ်။


.


သို့ပေမဲ့ Forrest Gump ပြောခဲ့သလိုပဲ ” ဘဝကချောကလက်တစ်ဘူးနဲ့တူတယ်၊ မင်းဘာကိုရလိမ့်မယ်ဆိုတာမင်းဘယ်တော့မှကြိုမသိနိုင်ဘူး ” ဆိုတဲ့အတိုင်း ၎င်းအမွှာညီအစ်မနှစ်ယောက်ဟာ အချိုမြိန်ဆုံးချောကလက်သေတ္တာ၊ စစ်မှန်တဲ့ချစ်ခြင်းမေတ္တာကို တွေ့ရှိခဲ့ကြပါတယ်။


၎င်းတို့ရွေးချယ်ခဲ့သူက Jasimuddin Ahmad အမည်ရှိအမျိုးသားဖြစ်ပြီး သူဟာ ၎င်းတို့နဲ့အတူ ဆပ်ကပ်မှာအသံအင်ဂျင်နီယာအဖြစ် အချိန်ပိုင်းအလုပ်လုပ်ခဲ့တဲ့ကျောင်းဆရာတစ်ယောက်ပါ။ ၎င်းတို့ဟာ မြင်မြင်ချင်းချစ်မိသွားခဲ့ကြပါတယ်။


Ahmad ဟာ Ganga နှင့် Jamuna တို့နှင့်အတူ အချိန်ဖြုန်းရတာကို နှစ်သက်ပြီး “ ငါ သူတို့ကိုအတတ်နိုင်ဆုံး ပျော်ရွှင်မှုနဲ့ချစ်ခြင်းတွေ ပေးနိုင်ဖို့ကြိုးစားနေတယ် ၊ ငါသူတို့နဲ့ ပိုနီးစပ်အောင်ကြိုးစားတယ်၊ ဒါကြောင့် ငါသူတို့ကိုဘယ်လောက်ချစ်လဲဆိုတာ သူတို့နားလည်တယ်” ဟု ဆိုခဲ့ပါတယ်။


.


၎င်းတို့ဟာ အတူတူ သီချင်းနားထောင်ရတာကို ကြိုက်ပြီး မနက် ၄နာရီအထိလည်း စကားပြောလေ့ရှိကြပါတယ်။ ၎င်းအမွှာညီအစ်မဟာ Ahmad ရဲ့စရိုက်ကို လေးစားသဘောကျကြပြီး “ သူ့မှာရှိတဲ့အကောင်းဆုံးအရာက ဟာသဥာဏ်ရွှင်တာဘဲ၊ ဒါ့အပြင် သူကကြင်နာတတ်တဲ့လူတစ်ယောက်ပါ၊ ငါတို့က သူ့ကို Mr .အိန္ဒိယလို့ခေါ်ကြတယ်” ဟု Ganga က ဆိုခဲ့ပါတယ်။

ပတ်ဝန်းကျင်က လက်မခံတာကြောင့် အိမ်ထောင်ပြုဖို့က မဖြစ်နိုင်ပေမဲ့ ၎င်းတို့သုံးယောက်ဟာ ကျန်ရှိနေတဲ့ဘဝကို အတူတကွပျော်ရွှင်စွာဖြတ်သန်းနေလျက်ရှိပြီး Jamuna က “ ငါတို့ဘ၀ထဲကို သူရောက်လာကတည်းက ငါတို့အရမ်းပျော်ခဲ့တယ်၊ ငါတို့အတိတ်မှာနာကျင်ခဲ့ပေမဲ့ ငါတို့ထပ်ပြီးမနာကျင်ချင်တော့ဘူး ၊ ငါတို့တစ်သက်လုံးသူနဲ့အတူနေဖို့ကို တကယ်မျှော်လင့်မိတယ် ”ဟုလည်း ပြောကြားခဲ့ပါတယ်။

Mia (KBdailynews)

Reference : gtgoodtimes

Leave a Comment